Umbwilo 18:7 - Amazwi Yakwe Leza 2013

⁷ Mucuzyini nu kuleka anyunguluka cuze kulingana nu lulumbi nu wikazi wapapela uno umwisikulu waipile. Pano wene akutwalilila kuinena ati, ‘Ntenzi pano, ne namwene! Nemo insi mukamfwilwa, ntalatala ndosye!’

Umbwilo 18:7 交叉參考

Zefaniya 2:15

Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Yelemiya 13:18

Lyene Yawe avwanga kunondi ati, “Nena umwene nga unene na nyina kwene, namwene ukuti yasenke apa vilimba vyao vya wene. Pasi pano ivilongwe vyao vya wene iviyembe vyativipona ku mitwe yao.”

Masamu 45:9

Pali ya mama amwi sano lyako paya penepo na ana ya mwene. Alino nupya lwa kwikasa lilunji ku cilimba cako ca wene uku kaimilila namwene, ala azwite insalu izya usaka, iziyembe zyakwe zaabu waku Ofili.

Masamu 10:6

Umu mwenzo wakwe akavwanga ati, “Insi wakutenta. Ntalaponelwa ni ntazi.”

Obadiya 1:3

Mwatumpikwa ni myenzo inu yacilumba cilumba. Umusumba winu ukulu wamutumpika, pano mukwelenganya ukuti mwacingililwa pamulandu wakuti wene wakuulwa pakasi ka myamba itali iya milunda. Imuivwanzya mweisikulu muti, ‘Uzye aweni angatupulumula nu kutufwanta pansi?’

1 Timoti 5:11

Lelo utapendelako yamukamfwilwa akazyana. Wakana kuyalemba mwi umba lilyo, pano yacililonda kutwalwa yangapulolwa ni vya nsi nu kufutatila Klistu.

Umbwilo 18:3

Pano antu amu nko zyonsi yamwa waini wakwe mukali uwa mbunu ya uzelele. Yakateeka amu nsi yacita ulenzyo na aliwe, nga na aculuzi amu nsi yaya akama pamulandu wa lwiswa lwakwe ulutangasila.”

Umbwilo 18:9

Yakateeka amu nsi akumileko ku uzelele nu lwiswa lwakwe yalakuta nu kulilila musumba lino yalola cunsi kufuma ku cimbilimbili ca moto ulayoca.

Esita 6:10

Umwene Aasuwelo nawe anena Hamani ati, “Ale fwandi kalauka kalonde insalu na punda ndi muno uvwangile, ngu cindamike Modekai, Umuyuda wiyo akaikala apa mpongolo ya mwene. Utezya usye nanti cimwi pali vyonsi vino watutungulula apa kanwa kako.”

Ezekelo 23:34

Ulamwamo nu kufipilila, nga alino ukalutame. Ni vinga vyaluko vilalepola amayele yako. Ivyalanda ne Yawe Simwandalali.