Umbwilo 18:20 - Amazwi Yakwe Leza 2013

²⁰ Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 18:20 交叉參考

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Umbwilo 12:12

Acino zangini mwe mayulu na mwe muno mwikalamo! Lelo kalanda ku amu nsi na yemba! Pano Ciwa watasumbwa pa nsi kunomuli, nupya ali nu ukali cuze pano amanyile ukuti watasyala sile ni nsita inono.”

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Yuda 1:17

Lelo mwe yacuza yane akundwe, iusyini vino Atumwa ya Mwene witu Yesu Klistu yamunenyile.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

Ezaya 49:13

Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.

Mapinda 11:10

Leza ndi wapolelela antu yakwe, umusumba onsi ukakatuka nu kuyemba.

Masamu 94:1

We Yawe, awewe Leza akavunuka, fwandi langa ukali wako!

Masamu 58:10

Asuma yene yalatemwa wakwe cimwi apa kulola kuno aipe yakupeziwa. Yene yalafula ingazo zyao umu wazi wakwe yakaifya.

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Masamu 109:28

Nanti yangantimpwila wemo ukampolelela, lino yankatukila, leka insonyi ziyaleme! Umuomvi wako kalu kuzanga!

Masamu 107:42

Aololoke imyenzo yaweni cico, iyazanga, nu uyi onsi iyauputula umunyanya.

Masamu 48:11

Leka fwandi antu yamu Zioni yazanga! Imipingwile yako, yaya ilungamane, leka fwandi imisumba yonsi yamu Yuda yazanga.

Masamu 18:47

Wene ali Leza kalandwila wane, uwalenga ni mitundu kuti icimbe nu kuntontelela.

Yakapingula 5:31

Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.

Malango 32:42

Inceto zyane zilatona sile uwazi wao, nu lupanga lwane lulakomola yao akukanya vino nkulonda. Intalasya penepo nanti umwi pali yao alankatukila. Na yao kwene alasyala impondo kumwi na anyepwe, yalafwa yonsi pyu.’

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.