Umbwilo 18:2 - Amazwi Yakwe Leza 2013

² Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.

Umbwilo 18:2 交叉參考

Umbwilo 14:8

Mungeli wakwe ciili alondela pa wankolelo, ala akuti, “Watawa! Babiloni mukulu watawa! Wene wamwesya antu yonsi waini mulume uwa ulenzyo wakwe.”

Yelemiya 51:37

Alino lyene umusumba wa Babiloni ulasanguka itongwa umulaikala sile yankusa. Antu yalati yalolekesya, iciyaputula ni misana. Mutalikala umuntu nanti wenga na yano yalalola vino caya yalazunguka.

Yelemiya 51:8

Babiloni yalamwiukizya, nga nawe alapona nu kukontoka. Fwandi mulosyini mwe! Mulondelini umulembo wakupaka pa vilonda vyakwe, limwi angapola.

Umbwilo 18:21

Alino mungeli wa maka anyemula ciliwe cakusilapo cikulu cuze acisumbila muli yemba, avwanga ati, “Vii avino Babiloni musumba ukulu ulasumbwa pansi na maka, nupya wene utalatala uloleke.

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Umbwilo 17:18

“Mwanaci wino wali walola ali musumba ukulu ukateeka yakateeka yonsi amu nsi.”

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Ezaya 14:23

“Indonona Babiloni nu kumusangula amanyika. Visinsimwe avino vilaikala mwenemo. Ndamupyela ku mukuo.” Ivyalanda Yawe Wamaka yonsi.

Umbwilo 16:13

Lyene ndola mipasi ikowele itatu yalolike wakwe yacula. Onga ufuma mu mulomo wa cizoka, umwi mu mulomo wa cilyanyi, nauze mu mulomo wakwe kasema waufi.

Umbwilo 14:15

Alino mungeli afuma mu Ng'anda ikulu yakwe Leza nga apunda ni zwi likulu kuli wino uwatenzi pi kumbi ati, “Tola cikwakwa cako uciomvye mu kuzombola, pano insita yatifika. Vilimwa vyati vica kulingana nu kuzombolwa!”

Umbwilo 10:3

nga apunda ni zwi likulu lino lyuvwikanga wa cilulumo cakwe yacisama. Pacisila cakupunda, kwali kupangalansya maila cinimbali.

Umbwilo 5:2

Alino ndola mungeli wa maka avwanga ni zwi likulu ati, “Aweni alinzile ukulematula vimanyililo nu kuyula lupapulo?”

Zefaniya 2:14

Cilaya icifulo kuno amaufyo ya viteekwa nga ni viumbwa vya misango yonsi vilalambalala. Sinsimwe uwamu lwanga ni vipuululu vilalila mu ncesi zyakweo. Ukulila kwaviko kuluvwika mu mawindo, amaunguluwe yalazanwa mu milyango yakweo, ni myalo ya mikelide ilasyala icenjemile.

Yelemiya 25:30

“Wemo we Yelemiya uyasowelele amazwi yaa yonsi nu kuyanena ukuti Yawe wauuza umwiyulu, wapangalansya ni zwi lyakwe lyapapela mu cifulo cakwe icicindamisye, wauzila uluwa lwakwe pa maka nu kupundisya ku antu yakwe apano nsi, kwati ukupundilila kuli yakafena ya matingi.

Umbwilo 1:15

Ingazo zyakwe zyayengesanga wa cela ciyengese cino yengulula nupya cino cazifiwa. Izwi lyakwe lyuvwikike wa ciunda ca cipoma.

Yowelo 3:16

Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

Umbwilo 11:8

vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.