Umbwilo 16:11 - Amazwi Yakwe Leza 2013

¹¹ nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 16:11 交叉參考

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.

Umbwilo 16:21

Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.

Umbwilo 16:2

Alino mungeli wakwe conga aya apongolwela vyamu lweso lwakwe pa nsi. Lyene vilonda vyakoofya nupya viwaye viloleka pali yao akweti cimanyililo ca cilyanyi na pali yao apefile unkolanya wakweco.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 2:21

Namupeela kasita kuti azenzuke, lelo wene asyalonda kufuma ku ulongozyo wakwe.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Masamu 136:26

Taizini Leza wa mwiyulu, pano luse lwakwe ulwa pe na pee.

Ezila 7:23

Mulinzile mwacincila nu kutekela sana apakupeela consi cino Leza wa mwiyulu akulonda kuti ciombe umu Ng'anda ikulu yakwe Leza. Mutalinzile mwamufisya uku mwenzo icakuti akancitile icipyu nanti kuli yao alalondela pacisila cane.

Ezila 6:10

Cico cilinzile ukucitika apamulandu wakupeela kuli Yawe impolelwa ino ingapokelelwa na aliwe, nu kuti yapapatile mwene na ana yakwe aonsi upolelelo usuma uwa umi.

Ezila 1:2

“Lii ilamulo lyakwe Kilusi, umwene waku Pesya. Yawe, Leza wa kwiyulu, watampela amaka akuteeka impanga yonsi. Watanena ukumukuulila Ng'anda ikulu uku Yelusalemu mu mpanga yakwe Yuda.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Neemiya 2:4

Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Neemiya 1:4

Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Ezila 7:21

“Lyene nene kwene ne mwene Alitakisesi, anene napeela isunde lii kuli yonsi akasunga icipao umu mbalama ya luzi lwa Yufulate kuti vyonsi vino simapepo Ezila, kalemba wa Masunde yakwe Leza wa mwiyulu, alamulenga, muce mu mupeele papo kwene.

Ezila 7:12

Mwali amazwi akuti, “Ukufuma kuli Alitakisesi umwene mukalamba. Nalemba kuli Ezila, simapepo, kalemba wa masunde yakwe Yawe Leza wa mwiyulu.

2 Milandu 36:23

“Kilusi umwene waku Pesya wavwanga wati, ‘Yawe, Leza wa mwiyulu wampeela amawene yonsi apanonsi, nupya wansonta kuti imukuulile Ng'anda ikulu umu Yelusalemu umu mpanga ya Yuda. Umuntu ali wensi uwa munomuli nupya uwamu antu yakwe Leza, angaswilila kweneko. Yawe Leza umwene wakwe aye na aliwe.’ ”

Yona 1:9

Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.