Umbwilo 15:3 - Amazwi Yakwe Leza 2013

³ nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 15:3 交叉參考

Masamu 111:2

Iye mwe, ivicitwa vyakwe Yawe nu ukulu! Yonsi yano vikazanzya yakalonda lyonsi ukuviiluka.

Masamu 139:14

Nkukutaizya pa vizungusyo vyonsi vii, na pali vyonsi vino indi nemweneco, na pavizungusyo vya vicitwa vyako. Wamanyikisya umwenzo wane ningo ningo.

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Ayebulai 3:5

Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.

Ezaya 33:22

Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Masamu 100:5

Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

Malango 31:30

Lyene fwandi Mose ali pakusaula ulwimbo lonsi aimba ala aina Izlaeli yonsi yakuvwa.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 11:17

yati, “We Mwene Leza uwa maka onsi, we muno ulipo nupya uwalipo! Twakutaizya pano watupoka maka yako nu kutandika kuteeka!

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Masamu 145:6

Nupya antu yalatakola amaka akulu ya milimo yako, nga nani ndalanda ukulu wako.

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Masamu 105:5

Mwe amu mupanda wakwe Abulaamu, mwemuno mukamutumikila,

Masamu 78:12

Leza wacisile ivizungusyo apa manso ya vikolwe vyao, umu citungu caku Zoani, ica mpanga yaku Eguputo.

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

2 Milandu 24:6

Cico icalenzile kuti umwene aame Yeoyada simapepo mukalamba nga amuuzya ati, “Uzye pacani cino utanena aina Levi kuti yasonkesye impiya ku Yuda nu ku Yelusalemu, zino Mose umuomvi wakwe Yawe wapile ilamulo kwi uvi lyonsi lya ina Izlaeli kuti yasonke, izya kuomvya ku milimo ya Ng'anda ikulu yakwe Yawe?”

1 Milandu 6:49

Lelo Aaloni na amu mupanda wakwe ali yano yafutumulanga ubani pamwi nu kupeela impolelwa pa ncende yapa kavuwa ka mawila yakoca. Ali yano yakweti sile insambu ya kupepela mu Ncende Yamuzilo kuluta pamwi nu kupeela impolelwa ya kwelela kwa maifyo ya ina Izlaeli. Vyonsi vivyo vyacitwanga ukulingana na masunde yano Yawe wapile Mose.

Umbwilo 14:8

Mungeli wakwe ciili alondela pa wankolelo, ala akuti, “Watawa! Babiloni mukulu watawa! Wene wamwesya antu yonsi waini mulume uwa ulenzyo wakwe.”

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Neemiya 9:14

Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Malango 34:5

Acino Mose umuomvi wakwe Yawe ali pa kufwila mumu kwene mu mpanga yaku Moabu, wakwe muno Yawe wavwanzile.

Malango 32:3

Namapundanga pa kulumbula izina lyakwe Yawe, na antu yakwe yamalanda ivya ukulu wakwe.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

Yobo 36:24

Wemo ule wiusye sile ukwika amano mukulumbanya imilimo yakwe Leza ndi vino antu yakalumbanya umu nyimbo.

Masamu 18:30

Inzila zyakwe Leza witu izifumaluke, mu mazwi yakwe Yawe mutaya ulema. Wene ali cisyangu icikacingilila yonsi akazina munoli.

Masamu 92:5

Yemwe! Ivintu nu ukulu vino wemo ukacita, we Yawe! Ukwelenganya kwako kwazika wakwe cimwi!

Masamu 111:7

Umwene waya uwacumi nupya uwa ulungi muli vyonsi vino akacita. Amasunde yakwe yonsi yaya sile ningo.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.