Umbwilo 14:6 - Amazwi Yakwe Leza 2013

⁶ Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.

Umbwilo 14:6 交叉參考

Mako 16:15

Nawe ayanena ati, “Yangini mu nsi yonsi nu kukosola Ilandwe Lisuma ku antu onsi.

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Ezaya 51:8

Pano akazizi kalayalya wa nsalu, kalalya ungati amavumbu ya mfwele. Lelo ulungami wane wene ulaelelela pee nu ufyusi wane umwalondenkanila inkulo.”

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

Masamu 139:24

Lola ndi cakuti nimpita umu nzila iipe, ntungulule umu nzila ya umi wape.”

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.

Umbwilo 13:7

Cene cizumiliziwa kulwa na antu yakwe Leza nu kuyacimvya, nupya cipelwa amaka akuteeka pa mitundu yonsi, ni nko, ni ndimi, nga ni misango yonsi ya antu.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Mateo 10:27

Vintu vino namunena mu mfinzi, mulinzile kuvilanda paswe, na vyonsi vino muvwila mu kapopo, kakosolini mu misolo.

Umbwilo 10:11

Lyene anena ati, “Nupya kwene ulinzile kukosola Ilandwe lyakwe Leza pamulandu wa antu amu nko zingi, misango ya antu aingi, indimi, na yakateeka aingi.”

Danieli 4:1

Umwene Nebukadineza watumile imbila ii ku antu amu nko zyonsi, ni misango yonsi ya antu, ni ndimi zyonsi umu nsi ati, “Nalaula!

Ezekelo 1:14

Iviumbwa navyo vyapitanga nu kuwela wa kumyantula kwa mvula.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Masamu 119:142

Wololoke wako ulayelelela pee, na masunde yako yalaya acumi pee.

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

Ezaya 40:8

Isote likauma, na maluwa yakafoota, lelo amazwi yakwe Leza witu yakaikalilila amanda pe.”

Utandiko 1:6

Leza avwanga ati, “Kakuye ulwelele lwa kupaatukanya amanzi mu vifulo viili ivipusane,” nga cicitika vivyo kwene.

Ezaya 6:2

Apapela yakwe paimi yaselafimu, ala yakulunkuma sile uku cimbilimbili ca moto. Cila wenga wakweti amapa mutanda, mapa yaili ala yatiyavimba apa manso yao, nga na yaili ala yatiyavimba ingazo zyao, nga amapa asyala yaili ala akupapukila kweneko.

1 Petulo 1:25

lelo mazwi ya Mwene yene yakaikalilila manda pe. Mazwi yaa lili Landwe Lisuma lino lyakosozilwe kunomuli.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

Umbwilo 10:7

Lelo lino mungeli uwalenga cinimbali alalizya ntandala yakwe, lyene Leza alafikilizya kuteyanya kwakwe ukwa nkama, ndi vino walavile kuli yakasema aomvi yakwe.”