Umbwilo 14:20 - Amazwi Yakwe Leza 2013

²⁰ Alino matingi yafenwa mu ciwina cakufenelamo kunzi ya musumba. Alino uwazi ufuma mu ciwina cakufenelamo uno wizile uya kwati luzi luno mu utali lwali makilomita myanda itatu nu kuzika kwakwelo kwali manye mamita yaili.

Umbwilo 14:20 交叉參考

Nyimbo zya ndosya 1:15

“Asilika itu yonsi aakama, Yawe wayasuuzile wakwe cimwi. Wene ali pakutuma ivita vyakwiza komola alumendo itu. Antu itu yonsi ampomvu wayavungola pyu wa matingi mu cifenelo cakwe.

Umbwilo 11:8

vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.

Ezaya 66:24

Apa kufuma mu Zioni, yalasyala yailolele yonga ivyala vya antu yano yantalamila. Ingonyo zino zilayalya zitalatala zifwe foo, nu moto usyazimiwa. Antu yonsi apakuyalolekesya yalazunguka.”

Utandiko 49:11

Akanyepelela mwana punda mu calo ca matingi. Mu matingi asuma cuze. Pano waini wavula ngati amanzi kunoli, Yuda angafula vyakuzwala vyakwe mwenemo.

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.

Ezekelo 32:6

Ndapongolola uwazi wako mpaka usansantikile mu myamba, nga inguzi nazyo zilazulamo iminyefu yako.

Yowelo 3:13

Swelula icikwakwa cakusinzila, pasi pano ingano zyatizica mpiti. Izini, mulyatole amatingi, pasi pano umwakufenela amatingi mwatimuzula waini, nga na waini akusampoka. Vivyo ivyaya ukwifya wakwe cimwi, ukwa antu amu mitundu yuze.’”