Umbwilo 14:15 - Amazwi Yakwe Leza 2013

¹⁵ Alino mungeli afuma mu Ng'anda ikulu yakwe Leza nga apunda ni zwi likulu kuli wino uwatenzi pi kumbi ati, “Tola cikwakwa cako uciomvye mu kuzombola, pano insita yatifika. Vilimwa vyati vica kulingana nu kuzombolwa!”

Umbwilo 14:15 交叉參考

Yowelo 3:13

Swelula icikwakwa cakusinzila, pasi pano ingano zyatizica mpiti. Izini, mulyatole amatingi, pasi pano umwakufenela amatingi mwatimuzula waini, nga na waini akusampoka. Vivyo ivyaya ukwifya wakwe cimwi, ukwa antu amu mitundu yuze.’”

Mako 4:29

Lino ivyakulya vyaca, umuntu atandika kusinza ni cikwakwa cakwe, pano nsita ya uzombozi yatifika.”

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Yelemiya 51:33

Yawe Wamaka yonsi, Leza wa ina Izlaeli, wavwanga wati, “Umwana mukazyana wakwe Babiloni akoline nu lwano lwa kupuulilapo ingano pa nsita ino yakupuula. Insita yakumuzombola yatipalamila ukwiza.”

Umbwilo 14:18

Lyene kwiza mungeli muze wino ali na maka pa moto wino wafumile ku kavuwa. Alino apunda ni zwi likulu ku mungeli wino wakweti cikwakwa cikali ati, “Tola cikwakwa cako ciomvye mukuputula matingi mu calo ca matingi ca mu nsi, pano matingi yati yaca!”

Mateo 13:30

Lekini vyonsi vikulile pamwi kufika ku uzombozi. Pa nsita ilya ndanena azombozi inti, mutandike kwipa kalolo, mumukolonganike nu kumunyepa mu myanzi, nu kooca mu moto. Alino lyene mukolonganike ingano nu kuzisezya mu nkoma.’ ”

Umbwilo 16:17

Nupya mungeli uwalenga cinimbali apongolwela vyamu lweso lwakwe mu lwelele. Izwi likulu lifuma mu cilimba ca wene mu Ng'anda ikulu yakwe Leza liti, “Cati cicitwa!”

Mateo 23:32

Caleka malilini kucita viipe vino yene yacisile.

Umbwilo 15:6

Angeli cinimbali yano akweti vilumbelo cinimbali yafumile mu Ng'anda ikulu yakwe Leza, ala yati yazwala nsalu ziswepe nupya ziyengese. Yene yanyefile vimisipi vyakwe zaabu pa visao vyao.

Umbwilo 14:14

Nupya ndola ikumbi litiswe, nga pi kumbi patenzi umwi uwalolike wa Mwana wa muntu, ala azwite ingala yakwe zaabu nupya alemile cikwakwa cikali.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

Umbwilo 13:12

Cene caomvizye maka aingi a cilyanyi ca kutandika pa manso yakweco. Cipatikizya insi na onsi akaikalamo kuti yapepa cilyanyi ca kutandika, cino cilonda caciko cakuleta imfwa calanga capola.

Ezaya 62:1

Nemo pali wewe Zioni ntange nikale sile cele. Nemo pali wewe Yelusalemu ntange ntonte kulanda pali wewe, mpaka sile ukululwe, mpaka sile indole ukuti insambu zyako zicate wa kasanya nu kucimvya kwako kuye wa luswepo ulukukozya usiku mu kanda.

Utandiko 15:6

Abulamu ataila Yawe, nga pamulandu wa utailo wakwe Yawe azangila munoli amuzumila ukuya mololoke.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 14:16

Lyene wino uwatenzi pi kumbi apisya cikwakwa cakwe mu nsi, nga vilimwa vyamu nsi vizombolwa.

Umbwilo 14:17

Nupya ndola mungeli muze akufuma mu Ng'anda ikulu yakwe Leza mwiyulu, nga nawe kwene alemile cikwakwa cikali.