Umbwilo 13:16 - Amazwi Yakwe Leza 2013

¹⁶ Cilyanyi cipatikizya antu yonsi anono na akulu, akama na apina, azya na antungwa kuti ikilwe cimanyililo pa makasa yao ailunji nanti pa mausyu yao.

Umbwilo 13:16 交叉參考

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 7:3

Mungeli avwanga ati, “Mutonona insi, yemba, nanti imiti, suka lino twamala kwikila aomvi yakwe Leza vimanyililo pa mausyu yao.”

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Umbwilo 19:18

Izini mulye minyefu yakwe yakateeka, yamusika akulu, na asilika, minyefu yamfwalasi pamwi na yao akakwelapo, ni minyefu ya antu onsi, azya na antungwa akulu na anono!”

Malango 6:8

Muyanyepelele ku makasa inu nu kuyazwala pa mausyu inu pakuti yangaya wa ciusizyo.

Malango 11:18

“Ali cino fwandi mwaiusya amazwi yane yaa nu kuyasunga mu myenzo inu na muli yakampingu inu. Mwayanyepelela ku makasa inu nu kuyazwala pa mausyu inu wa mipango pakuti yangaya wa ciusizyo.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Umbwilo 19:5

Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Umbwilo 6:15

Lyene yakateeka amu nsi, intunguluzi na yamusika akulu avita, akama na antu ya maka, nga na antu yauze, azya na antungwa yonsi yafisama mu macele nu mwisika lya milunda yamu myamba.

Milimo 26:22

Lelo Leza wangazwa kufika ni lelo kwene. Acino njimi pano kuti mpeele umboni pa manso ya antu onsi, apina na akama. Cino nkavwanga icili cimwi kwene na cino yakasema pamwi na Mose yavwanzile ukuti cili nu kucitika.

Masamu 115:13

Yawe amapolelelanga yayo yonsi akamoopa akama kumwi na apina.

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

Umbwilo 15:2

Alino ndola cimwi cikuloleka wakwe yemba musenguluke wi galasi, muminkane nu moto. Naweni na yao acimvizye cilyanyi nu unkolanya wakweco na wino mpendwa ikaimilila izina lyakwe. Antu yaa yaimi pa mbali yakwe yemba musenguluke wi galasi, ala yalemile mapango yano Leza wayapile,

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

Efeso 6:8

Iusyini ukuti Mwene alalambula umuntu ali wensi, aye muzya nanti muntungwa. Onsi yalalambulwa pa milimo isuma ino yaomba.

Galatiya 6:17

Kufuma ndakai ntakulonda kuti umuntu nanti umwi anganola, pano viyazi ivili pa mwili wane vikulanga ukuti nene muzya wakwe Klistu.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

Masamu 49:2

acindame, na mwe antu yasilesile, akama na apina kumwi.

2 Milandu 15:13

Yapangana nu kuti umuntu wensi, umwance nanti uwikolo, umonsi nanti umwanaci, uwakana ukupepa ndi muno yakulondela wene uwakukoma sile.

2 Timoti 3:8

Wakwe vino Yanesi na Yambulesi yalwisyanga Mose, vivyo kwene antu yaa yakalwisya cumi. Antu yaa a myenzo yaukakasi nu utailo wao usi uwa mpomvu.

Zakaliya 13:6

Umwi ndi waca uzya kasema umwi wati, “Uzye fwandi ivilonda ni viyazi ivili pa cifuwa cako vyafuma kwi?” Nawe alaasuka sile ati, “Viyazi vii alino yancisile ku ng'anda yakwe cuza wane wenga.”