Umbwilo 12:17 - Amazwi Yakwe Leza 2013

¹⁷ Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Umbwilo 12:17 交叉參考

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Umbwilo 11:7

Lyene lino yalamala kupeela umboni wao, cilyanyi cino cilafuma mu ciwina caula impela cilayalwisya. Cene cilayacimvya nu kuyakoma,

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,

Umbwilo 1:2

Yoane nawe walondolwile vyonsi vino waweni. Nupya akupeela umboni pi landwe ilyafumile kuli Leza na pali vyonsi vino Yesu Klistu wamunenyile.

Umbwilo 13:7

Cene cizumiliziwa kulwa na antu yakwe Leza nu kuyacimvya, nupya cipelwa amaka akuteeka pa mitundu yonsi, ni nko, ni ndimi, nga ni misango yonsi ya antu.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

1 Yoane 5:2

Muli cii twamanya ukuti twatemwa ana yakwe Leza, lino twatemwa Leza nu kuyela masunde yakwe.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

Umbwilo 19:19

Nupya ndola cilyanyi nga na yakateeka amu nsi. Yene pamwi ni vita vyao yakongana kuti yalwisye wino uwatakwela pa mfwalasi pamwi ni vita vyakwe.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

1 Kolinto 2:1

Inane, lino nizile kunomuli ku kukosola nkama ya cumi yakwe Leza, ntaomvizye mazwi azike nanti kuvwika mucenjele mu mivwangile.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Umbwilo 12:16

Lelo musili nao wazwilizya mwanaci. Musili wasama nu kumila manzi afumile mu mulomo wa cizoka.