Umbwilo 1:4 - Amazwi Yakwe Leza 2013

⁴ Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 1:4 交叉參考

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Kufuma 3:14

Leza anena Mose ati, “Naya vino naya. Ulinzile ukuyanena uti, ‘Wino akaamwa ukuti Naya vino naya, uwatantuma kunomuli.’ ”

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Ezaya 41:4

Aweni fwandi akalenga ukuti ciye vii? Aweni akalenga ukuti imikulo ya antu iye penepo ukufuma sile nu ku katalili? Anene ne Yawe naliko ukufuma nu ku katalili. Anene ne Yawe alayako ukufika na pa mpela ya vintu vyonsi.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Zakaliya 3:9

Si lolini, iwe lyonga mpo lino nemo niika pa manso yakwe Yoswa, lilyo ilili na matungi cinimbali! Nene nemwisikulu ne Yawe Wamaka yonsi namalembapo ivilembo, na pa wanda uli onga kwene ndafumya uyi mu mpanga ii.

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Yoane 1:1

Ku utandiko wa uumbo, kwali wino akaamwa Izwi. Izwi wali na Leza. Wene wali a Leza.

Milimo 19:10

Wacitanga vikwene kufika na pa myaka iili, na antu yonsi atenzi mu muputule wa mpanga ya Asiya, Ayuda na Akulukuwa kwene, yuvwile izwi lya Mwene.

Milimo 2:9

Yamwi munotuli yafuma ku Patiya, ku Medya, ku Elamu, ku Mesopotamya, ku Yudeya, nga nu ku Kapadokiya. Yamwi nao yafuma ku Ponto nu ku Asiya,

Loma 1:7

Caleka nalemba kalata kuli mwemwe mwensi mwe yakundwe yakwe Leza amu Loma, mwe muno mwaamwa kuti namwe kwene muye antu yakwe amuzilo. Leza Tata nu Mwene witu Yesu Klistu amupeele cikuku nu mutende.

1 Kolinto 1:3

Leza Tata nu Mwene Yesu Klistu amupeele cikuku nu mutende.

2 Kolinto 1:2

Leza Tata nu Mwene witu Yesu Klistu amupeele cikuku nu mutende.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 16:5

Alino nuvwa mungeli uwali na maka pa manzi avwanga ati, “Upinguzi uno wacita usi walufyengo, We Wamuzilo, we muno ulipo nupya waliko!

Umbwilo 2:12

“Lemba ku ntunguluzi yakwi uvi ku Pegamu uti, “Lii ilandwe kufuma kuli wino uwakwata lupanga lukali koili.

Umbwilo 2:18

“Lemba ku ntunguluzi yakwi uvi lyaku Tiatila uti, “Lii ilandwe kufuma ku Mwana wakwe Leza, wino amanso yakwe yakaloleka wa cimbilimbili ca moto, nga ni ngazo zyakwe nazyo zikayengesa wa cela cino cazifiwa.

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

Umbwilo 22:8

Ne Yoane nuvwa nu kulola vintu vii vyonsi. Nalanga nuvwa nu kulola, mfukama pipi ni ngazo zya mungeli wino uwandanzile vintu vii, nupya kwasile panono kuti mupepe.

Umbwilo 3:1

“Lemba ku ntunguluzi yakwi uvi ku Sadisi uti, “Lii ilandwe kufuma kuli wino uwakwata mipasi cinimbali yakwe Leza nga ni ntanda cinimbali. Namanya vino ukacita na vino antu yakati wewe mumi lelo wewe mufwe!

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 8:2

Lyene ndola angeli cinimbali yano akaimilila nkolelo yakwe Leza, yapeelwa ntandala cinimbali.