Tito 3:5 - Amazwi Yakwe Leza 2013

⁵ wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Tito 3:5 交叉參考

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Efeso 2:4

Lelo luse lwakwe Leza lwavulisya cuze, nga nu kutemwa kuno watutemwa nako ukukulu cuze,

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

Masamu 51:10

We Leza, mpeko umwenzo wa kuyela uwike munondi umwenzo upya uposye.

Loma 11:6

Lelo wene wayasolwile pa kuya ni cikuku kunoyali asi pamulandu wa milimo yao ino yaomba. Pano ndi cili pa milimo, ale lyene cikuku cakwe cile cisi cikuku ca cumi.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Kolose 3:10

nupya mwati mwingila mu umi upya. Ndakai mukulunduluka mu kulolana na kaumba winu pakuti mumumanyikisye ningo mu ufumaluke.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Galatiya 2:16

Lelo twamanya vino umuntu akacitwa kuya mololoke pa manso yakwe Leza pa utailo wakwe muli Yesu Klistu, lelo asi mu kuyela Masunde. Pano kusi umwi angacitwa kuya mololoke pa manso yakwe Leza mu kuyela Masunde.

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

1 Petulo 2:10

Pa nsita imwi mutali antu yakwe Leza, ndakai mwemwe antu yakwe. Pa nsita imwi mutamanyile uluse lwakwe Leza, lelo ndakai mwati mupokelela uluse lwakwe.

Efeso 4:23

Myenzo inu nga na yakampingu inu viye vipya,

Loma 3:28

Pano twasininkizya ukuti Leza akacita umuntu kuya mololoke pa manso yakwe kupitila sile mu utailo, lelo asi pamulandu wa kuyela sile Masunde.

Loma 9:11

Lelo lino ana yaa yatali kuti yavyalwe nanti kucita cisuma nanti ciipe, Leza wanenyile Labeka ati, “Silenzi alatumikila muto.”

Luka 1:78

Leza witu wakwatisya mizu. Alatutumila luswepo kufuma kwiyulu ululaengesa panotuli wa micalalazi yi lanzi katondo

Luka 1:54

Wataazwa yaomvi yakwe aina Izlaeli kuti aiusye kuya na mizu kunoyali.

Luka 1:50

Kufuma ku nkulo yonga kufika ku yuze akalanga mizu kuli yano akamucindika.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Masamu 143:2

Utanjika ne muzya wako umu mezyo, pano kutaya nanti wenga apa apuma, uwakaele kunuli.

Masamu 130:7

We Izlaeli nawe, paalila muli Yawe, Pano ukutemwa kwakwe Yawe ukwa muntaputuka, nga akalondesya ukupususya.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Tito 3:4

Lelo lino luse nu kutemwa kwakwe Leza Katuula witu vyasokolwilwe,

Loma 9:30

Uzye lyene tumati uli? Katuti, Akulukuwa yatalondanga kuicita kuya aololoke pa manso yakwe Leza, lelo yaweni ukuti Leza angayacita kuya aololoke pa manso yakwe mu utailo.

Loma 9:16

Caleka cisi pali cino umuntu akasi nanti cino akaezya kucita, lelo cili pali Leza wino akayela mizu.

Loma 4:5

Umuntu wino wemelela pa utailo, asi pali vino akaomba, lelo wataila muli Leza wino akataka umuntu wa mulandu kuya uwakaele, wene pa utailo wakwe auno Leza akalola pa kumutaka kuya mololoke pamanso yakwe.

Luka 1:72

Watile alaya na mizu ku antu itu, nu kwiusya upangano wakwe uwamuzilo.

Ezaya 57:12

Lyene fwandi umaleka ukuti inike ulungami wako apaswe, ni vicitwa vyako ivya uwelewele.

Ayebulai 6:6

Alino yene yafutatile utailo wao! Cili citale ukuyawezya ku kuzenzuka nupya pano yene yakutana Mwana wakwe Leza pa lupanda nupya nu kumuzewanya paswe.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Masamu 62:12

alino ni cakuti we Leza, uluse lwako ulwamuntaputuka. Icacumi, we Mwene, ala ukapeela icilambu uku muntu ukulingana ni vicitwa vyakwe.

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 9:20

Nemo nanti sile ningaya uwakaele, lelo imivwangile yane kwene iliyo ingaya ikansinile ukuti indi nu mulandu. Nanti ningaya uwaula umulandu, imivwangile yane ingampela umulandu.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.