Tito 2:11 - Amazwi Yakwe Leza 2013

¹¹ Pano Leza wasokolola cikuku cakwe ca kutuula antu onsi.

Tito 2:11 交叉參考

1 Timoti 2:4

wino akalonda umuntu wensi kuti atuulwe nu kumanya cumi.

Efeso 2:8

Pano mwatuuzilwe ni cikuku cakwe Leza lino mwataile.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Loma 5:15

Lelo ya yaili yasi ali yamwi, pano uwila wakwe Leza utangakolana ni iifyo lyakwe Adamu. Iifyo lya muntu wenga ilyaleta imfwa pa antu aingi. Lelo cikuku nu wila wakwe Leza ivikulu cuze, pano vyaleta upolelelo ku antu aingi. Nu wila uno Leza wapela, umuntu wenga sile Yesu Klistu.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Luka 3:6

Na antu yonsi yalalola ufyusi wakwe Leza.’”

1 Timoti 1:14

Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Masamu 96:10

Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

Galatiya 2:21

Nemo nsizumila kukana cikuku cakwe Leza, lelo ndu muntu akacitwa kuya mololoke pa manso yakwe Leza pakuyela sile Masunde ale lyene cikusenula ukuti cali icasilesile ukuti Klistu afwe.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Milimo 13:47

Pano Mwene watupeela ilamulo lii, lyakuti, ‘Namucita kuya wa luswepo pa antu Akulukuwa, pakuti mutwale ilandwe lya ufyusi ku antu amu nko zyonsi.’”

Milimo 13:43

Lino antu ali pa ukongano yasalangana, Ayuda na Akulukuwa aingi asenusi yalondela Paulo na Banaba. Atumwa yavwanga kunoyali nu kuyakomelezya kuti yatwalilile kwemelela mu cikuku cakwe Leza, wino uwali nu luse panoyali.

Yoane 1:9

luswepo lwa cumi lukakozya muno nsi pa antu onsi.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Mako 16:15

Nawe ayanena ati, “Yangini mu nsi yonsi nu kukosola Ilandwe Lisuma ku antu onsi.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Masamu 67:2

pakuti antu yonsi apano nsi, yamanya vino wemo ukalonda, na antu ya mitundu yuze apakuti yamanya ukuluzi wako.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

2 Timoti 1:10

Lelo ndakai Leza wasokolola cikuku kupitila muli Katuula witu Klistu Yesu. Klistu wene wacimvya maka ya mfwa nga mwi Landwe Lisuma amuno wasokolola paswe umi uwa kuntafwa.