Tito 1:9 - Amazwi Yakwe Leza 2013

⁹ Wene alinzile kulemelela na maka kwi landwe lino lingatailwa nupya lilingine nu usambilizyo wa cumi. Mu musango uu, amuno usambilizyo wao wa cumi ungakomelezya yauze nupya amuno yene yangasokolola kuluvyanya kwakwe yayo akakana usambilizyo kwene uu.

Tito 1:9 交叉參考

2 Tesalonika 2:15

Caleka, mwe ina itu, muzyansye nu kutwalilila kulondela vya cumi vino twamusambilizye, mu kukosola nu mu makalata itu kwene.

2 Timoti 1:13

Komeleka umu kuyela usambilizyo wa cumi uno nakupile, uye icilangililo kunuli kuti avino wasambilizya. Twalilila mu utailo nu kutemwa kwakwe Klistu Yesu.

1 Timoti 6:3

Wino wensi akasambilizya usambilizyo uiyele uno utasuntinkine na mazwi acumi a Mwene witu Yesu Klistu nga nu usambilizyo uwamu mipepele itu,

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

Umbwilo 3:3

Acino iusya vintu vino wasambiliziwe na vino uvwile. Uwayela vintu vivyo nupya uzenzuke. Ndi utazyusile, ndiza panuli wa mwivi, nupya utalamanya insita ino ndizilapo.

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

Tito 2:1

Lelo wemo ulinzile kusambilizya antu vilingine nu usambilizyo uwa cumi.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

2 Timoti 4:3

Insita iliiza lino antu yatalauvwa ku usambilizyo wa cumi. Lelo yene yalalondela vilondwa vyao aisikulu, nupya yalalonda yakasambilizya aingi yano alayazanzya pa kuyanena sile vintu vino yene yakulondesya kuuvwa.

1 Tesalonika 5:21

Mwaezya vintu vyonsi, musolole visuma,

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

Yobo 2:3

Yawe nawe auzya Satana ati, “Uzye watulola vino umuomvi wane Yobo ali? Uzye muno nsi mungaya umwi wino yangalingana nawe uku usuma nu ku ulungami? Yobo waya nu mucinzi kunondi ne Yawe. Wene akafuntuka ku kucita iviipe vyonsi nupya akasunga ukaele wakwe. Ale lyene walola vino waicuzizye sile apa kunzembeleka nu kumpatikizya kuti imuletele imikosi apaula umulandu.”

Umbwilo 3:11

Nkwiza zuwa. Lemasya cino ukweti, kuti kutaya umwi uwa kukupoka cilambu cako.

Umbwilo 2:25

Lelo kufika lino ndiza, mulinzile kulemelela na maka kuli vino mwasambilila.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

1 Timoti 4:9

Muvwango uu uwa cumi, nupya ulinzile kupokelelwa nu kutailwa nu mwenzo onsi.

1 Timoti 1:19

nupya sunga utailo wako nu kukwata mwenzo usuma. Antu yamwi yasyatontela yakampingu yao. Acino yene yonona utailo wao.

Milimo 18:28

Wene wapazyanyanga na Ayuda mu mivwangile pa manso ya antu, ala akuyasinila mu malembelo vino Yesu a Klistu.

Yobo 27:6

Ntalata ukulanda ukuti nemo nkacita vyaololoke, nu kuta intalatala inte ukucita vivyo, awe. Pasi pano kampingu wane asikunenola.’

1 Kolinto 14:24

Lelo ndi yakusema ilandwe lyakwe Leza alino kwiza umuntu umwi atataila nanti umwi asi uwa mwi uvi wiza munomuli, wene alasinilwa pa viipe vyakwe pa mazwi yonsi yano akuuvwa. Mazwi yano aluvwa yalamulenga kuzenzuka,

2 Timoti 3:14

Lelo wemo twalilila sile kuya uwakutailwa mu cumi consi cino wasambiliziwe nupya cino wataila. Wamanya yano ali yakasambilizya yako,