Tito 1:15 - Amazwi Yakwe Leza 2013

¹⁵ Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

Tito 1:15 交叉參考

Loma 14:14

Mu kuilundanya nu Mwene Yesu Klistu, nasininkizya vino Leza wacita vyakulya vyonsi kuya visanguluke. Lelo ndi ukwelenganya ukuti vyakulya vimwi ivikowele, ale lyene kunuli ivikowele.

Loma 14:20

Mutaleka indya inu yonone mulimo wakwe Leza. Vyakulya vyonsi vilinzile kuliwa, lelo caya ukuluvyanya lino mwalenga auzo ukwifya pamulandu wa vyakulya vino mukalya.

1 Kolinto 10:23

Swemo tungati, “Vintu vyonsi vyazumiliziwa kunotuli,” lelo asi vyonsi vingatwazwa. Vintu vyonsi vyazumiliziwa, lelo asi vyonsi vili nu muzano.

Mateo 15:18

Lelo vintu vino vikafuma mu mulomo vyene vikafuma mu mwenzo nupya vikakowezya umuntu.

Loma 14:23

Lelo ndi akutwisika pali vino akalya, ale ali nu mulandu pano micitile yakwe isi pa utailo. Na consi cisi pa utailo ala iifyo.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Milimo 10:15

Nupya izwi lyuvwika kunoli liti, “Vino Leza wasangulula utataka ukuti vikowele.”

1 Kolinto 8:7

Lelo asi yonsi amanya cumi cii. Antu yamwi aingi mu kukula kwao yataila vino tuluwi twaya nu umi. Caleka lino yakulya vyakulya vya musango uu, yene ala yacili yakwelenganya vino yakulya vyakulya vyapeelwa ku tuluwi. Myenzo yao yatonta, nupya yakoweziwa.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

1 Kolinto 10:25

Nanti cingaya vivyo, mwemwe antungwa kulya cintu cili consi cikakaziwa mwi sokoni lya nyama, kwaula kuuzya iuzyo nanti lyonga pakuti mutasakamika myenzo inu.

1 Timoti 6:5

nga na lyonsi vikanza vikufuma ku antu yano myenzo yao isi ya mpomvu nupya yatakwata cumi. Yene yakaelenganya ukuti amapepo ili nzila yakuzanilamo ukama.

Mapinda 21:4

Amanso ya cilumba nu mwenzo ukaituumika, ali luswepo lwa antu aipe. Nupya ali iifyo kwene.

Hagai 2:13

Papo kwene Hagai ayuzya nupya ati, “Ndi cakuti umuntu wakweyowezya pa kukumya uku cala ca muntu alino waya walema ivyakulya, uzye vyonsi kwene vingaya ivikowele?” Yasimapepo apali pakwasuka yati, “Ee navyo kwene ala vyakowela.”

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.