Oseya 8:5 - Amazwi Yakwe Leza 2013

⁵ Unkolanya wa mwana wa ng'ombe uno aina Samaliya yakapepa wanguvwisya uwinyi. Acino ukali wane wafulumila antu yayo. Uzye ukufika lilaci lino yalata ukukowela kuko?

Oseya 8:5 交叉參考

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Yelemiya 13:27

Wene wailolela kuno mukucita ivintu vino wapata. Umu myamba nu mu vyalo ali muno mukalondelela utuluwi, tuleza twa inamasi, ndi vino umonsi akacita wino akukumbwa umuci wa muze, ndi vino mfwalasi yakalume ikacita apakukokomela iya kaci. Kalanda kuno muli mwe ina Yelusalemu! Uzye alilaci lino mulakondolwa?

Mapinda 1:22

“Mwe mbulwamano mwe! Mulasya umbulamano winu ukufika lilaci? Mulata lilaci ukusuula ne malango? Uzye mulasyalilila awelewele vivyo kwene?

Milimo 7:41

Lyene yapanga akaluwi mu musango wakwe cipambasi wa ng'ombe, yapela impolelwa kuno kali, nga yacita ni cimulo cakuzevya milimo yaku makasa yao.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Ezaya 45:20

Yawe wavwanga wati, “Mukongane pali pamwi muye ponga. Izini kuno mwemuno mwapuswike lino imiteekele ya mpanga zinu yononike. Ndanji kuno ukwi tengo! Imbutuma antu yano yakatandazya utuluwi twao twa vimuti, yayo akapepa tuleza ututanga yapususya.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Masamu 19:13

Ncingilile ukucilumba ca palwalala. Utaleka cinteke uzya. Lyene indaya umwi uwakaele, uwaula iifyo ilikulu.

Yelemiya 48:13

Alino lyene Moabu insonyi zilamulema pali Kemosyi, ndi vino zyalemile ang'anda yakwe Izlaeli lilyo lino yataile muli Betele, kaleza kaluzi.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

2 Milandu 13:8

“Acino fwandi mwemo mwemuno mukalonda ukulwisya uwene uno Yawe umwisikulu watupeela swe amu mupanda wakwe Davidi. Mwatimukwata ivita ivivule ni vyuma nyanya ivyapangwa na zaabu, vino Yeloboamu wapanga ivikoline na ana ya ng'ombe apakuti avino mwapepa.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Mika 1:7

Utuluwi twakwe tonsi tulaputolwa mpaka tusyale utumpilinsya, nga na mawila ya ng'anda zyakwe zikulu zyonsi yalononwa ku moto. Ndatamola vyaunkolanya wakwe vyonsi. Wene wakolonginye amawila ukufuma ku malipilo yakwe yacizelele, caleka yauze yalayaomvya mu mulimo wakulipila yacizelele kuze.”