Oseya 8:2 - Amazwi Yakwe Leza 2013

² Yene yakakuuta kunondi kuti njazwilizye, ala yakuti, ‘Swe ina Izlaeli twakumanya we Leza witu.’

Oseya 8:2 交叉參考

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Mateo 7:21

“Asi muntu wensi akangama ati, ‘Mwene, Mwene’ alingila mu Wene wa mwiyulu, suka sile yao akacita kulonda kwakwe Tata uwa mwiyulu.

1 Yoane 2:4

Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

Luka 13:25

Mwine wa ng'anda alakatuka nu kuyali cisasa. Lyene mulimilila panzi nu kutandika kukonkonsya ku cisasa nu kuti, ‘Mwene, tuyulileko!’ Nawe alaasuka ati, ‘Ntamanyile kuno mufumile.’

Mateo 25:11

“Pacisila, akazyana yauze iiza yamunena yati, ‘Musambazi! Musambazi! Tuyulileko!’

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

2 Yamwene 10:29

Lelo Yeu atatelelile ukucita iviipe vino umwene Yeloboamu umwana wakwe Nebati wacitanga, vivyo vino walenzile kuti na ina Izlaeli yacita. Atatiile kupepa utwana twa ng'ombe twakwe zaabu ku Betele nu ku Dani.

2 Yamwene 10:16

Yeu avwanga ati, “Tuye kuno, uilolele vino nkuipelesya kuli Yawe.” Nga yapita nawe mwi celeta lyakwe.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Oseya 8:3

Lelo aina Izlaeli yakana ivisuma. Acino anisi yao yalayacocovya.