Oseya 8:10 - Amazwi Yakwe Leza 2013

¹⁰ Nanti angala yene yalemana na antu amu nko zyuze, ndayakolonganya nu kuyonona. Zuwazuwa yene yalondoloka wakwe cimwi apa kuzunyiwa nu utesi wa mwene waku Asilya.

Oseya 8:10 交叉參考

Ezekelo 16:37

icaleka nemo namakolonganika akundwe yako yonsi, yano wacinanga nayo, yano watemilwe na yano wapasile kwene. Ndayakolonganika icakuti mpaka yakakukatukile imbali zyonsi ziili. Alino nkakuzuule pa manso yao, pakuti nayo yakulole tupu.

Oseya 10:10

Lino nkasi ukuvunuka antu aipe yaa, ndawela nu kwiza yavunuka. Antu amu mitundu yuze yalumana akapi nu kuyakatukila, nga nayo yalavunukwa apa uyi wao.

Ezekelo 26:7

Pano Yawe Simwandalali wavwanga wati, “Silola, nkutumila aina Tuli umwene waku Babiloni, umwene wakwe yamwene, wene alafuma ku ntunga yaku katutu, aliza ni mfwalasi na maceleta na akapita pa mfwalasi nga ni umba lya vita ilikulu.

Ezaya 10:8

Wene akaitanka nu kuitanka ati, “Nemo yamusika ya vita vyane yonsi a yamwene!

Hagai 2:6

Vino nkumunena ne Yawe Wamaka Onsi aivi, “Pasyala sile panono ale natensya iyulu ni nsi yonsi, yemba ni cituntu kwene nga na vyonsi ivyaya mwenemo.

Danieli 2:37

We musambazi, wewe uli mwene mukalamba pali yamwene yonsi. Leza wa mwiyulu wakulasika pa wene, wakupeela na maka nu ulamba nga nu lulumbi.

Ezekelo 22:20

Ndi vino yakakolonganya siluva, mukuwa, umutovwe ni cela ci lata mwi lungu, yapemba nu moto mwisika pa kuvisungulula vyonsi, avino ndamukolonganika mu cipyu cane cikali nu kumusungulula.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Ezaya 36:13

Alino lyene aololoka nu kuzaza mu lulimi lwao lwa Ciyebulai, ati, “Mwe! Uvwini kuno vino umwene mukalamba wa ina Asilya akumunena.

1 Milandu 5:26

Acino Leza wa ina Izlaeli aika ilango mu mwenzo wakwe Pulu, umwene waku Asilya, wino izina lyakwe lyuze yatangi Tigilati Pilesa, kuti akazanze impanga yao. Nga nawe asenda umu uzya amu mutundu wakwe Lubeni, na wakwe Gadi, nga nu mutundu pakasi wakwe Manase. Ayatwala ku Halaa, ku Haboli, ku Hale, nu ku luzi lwa Gozani, kuno yikala ukufika na ndakai kwene.

2 Yamwene 17:3

Lino Syalimaneseli, umwene waku Asilya, wizile amulwisya, umwene Hosyea wene wizile acimba kunoli, amupeela nu musonko cila mwaka.

2 Yamwene 14:26

Yawe Leza waweni vino aina Izlaeli yaculanga. Nupya kutali nanti wenga uwakuyatuula foo.

Ezekelo 16:33

Cizelele wensi akalipilwa pali ucizelele wakwe. Lelo wemo, awewe ukapeela uwila uku onsi yano akulanzya. Nupya wemo, awewe kwene ukayapa amafukakanwa pakuti yafume umu mpanga zyao nu kwiza umukulongozya nawe.

Ezekelo 23:5

Lelo Oola, nanti wali uwane, wene wacitanga uzelele nalino acili uwane. Watemwanga yacuza yakwe, ivita vya ina Asilya yano yapalamine nawe.

2 Yamwene 17:4

Lelo uwanda umwi Hosyea umwene waku Asilya atuma inkombe kuli So, umwene waku Eguputo, ukuuzya uwazwilizyo, nu kuta ukusonka umusonko wa cila mwaka ku mwene waku Asilya. Lino Syalimaneseli wamanya cico, walanzile ukuti Hosyea alinzile ukulemwa nu kusumbilwa mu ng'anda yaminyololo.

Ezaya 30:2

Yene yakazenzemalila uku Eguputo, ukukulenga uwazwilizyo kuti Falao ayacingilileko ukwaula ukuti yatale yanguzye. Yakalonda ukuti impanga ya Eguputo aino iye icisao cakutuwilizyamo.

Oseya 12:2

Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.