Umuomvi umwi wakwe Pekaya uwi zina lyakwe Peka umwana wakwe Lemaliya, apali ponga na ina Gileadi amakumi yasano, yakatukile Pekaya iyamukoma pamwi na Aligobu na Aliyeli umu muputule wa papela mukasi na nkasi ki sano mu Samaliya. Avili vino Peka wakomile Pekaya nga apyana apa wene.
Lyene Menaemu umwana umonsi wakwe Gadi afuma ku Tiliza nga aya ku musumba wa Samaliya. Aliwe kwene uwaile azanza nu kukoma Syalumu umwana umonsi wakwe Yabesyi uku Samaliya kwene kuko. Alino amupyana pa cilimba ca wene.
Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.
“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”
Ndi vino calembwa mu Masunde yakwe Mose, uononesi uu onsi watuponela, lelo na ndakai kwene, we Mwene, tutezya ukukuzanzya apa kuzenzuka ku maifyo itu nu kusumbako amano ku cumi cako.
Lino intunguluzi zizya zyapokelela kalata wakwe Yeu, izilema amu mupanda wakwe Aabu yonsi amakumi cinimbali, nga ziyaputula imitwe. Alino iziika imitwe yao mu mise nga zitumila Yeu ku Yezileele.
Yeu ali pakuyanena ati, “Fwantini umwanaci wiyo pansi.” Nayo ali pakumuzukuza pansi na mpa! Awe mukwai papo kwene nu wazi iusantokela uku lung'umba nu ku mfwalasi. Vyonsi ivikandana. Yeu ali pakupisya ni celeta apa cala cakwe.
Yeu nawe ali pakusokela uluceto mu ulapwa wakwe, atinta nu kutinta nga alasa Yolamu mwi tundu. Nalo uluceto ilupuzinkanya mu mwenzo. Yolamu apona na pansi na mpu, aponela umwi celeta amuno afwila.
Lino Zimuli walola ukuti umusumba wapokololwa, aya aingila mu muputule wa papela mukasi na nkasi ki sano nga atumula umoto mwi sano ukuzinguluka pano wali. Avino wafwile,
