Oseya 7:14 - Amazwi Yakwe Leza 2013

¹⁴ Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Oseya 7:14 交叉參考

Yakobo 4:3

Nupya lino mukamulenga musyapeelwa, pano mapange inu aipe. Mwemo mukalenga vintu vya kuizanzya mweisikulu.

Yelemiya 3:10

Vivyo vyonsi vitalenzile Yuda, kaci wakwe cizelele muze, ukuweluluka kunondi nu mwenzo wakwe onsi. Lelo wene wacitanga cico umwisyente.” Ivyalanda ne Yawe.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Zakaliya 7:5

Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Amosi 2:8

Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Ezaya 65:14

Yene yalaimba inyimbo zya nsansa, lelo mwemo mulaalila sile impooma pamulandu ni myenzo ukuwaya.

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.

Yakobo 5:1

Mwe antu akama, ndakai nguvwini! Losyini nu kukuta pa malanda ali nu kumuponela!

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Oseya 3:1

Yawe wanenyile ati, “Yanga, nupya ukalange icitemwiko ku muci wako cizelele wino akucita ulenzyo nu monsi muze. Umutemwe wakwe vino Yawe watemwa aina Izlaeli, nanti angala yene yakaya ku kupepa tuleza tuze nu kutemwa ukupeela amawila ya mukate ku tuluwi.”

Ezaya 52:5

Lelo api lelo mu Babiloni namo ululi lumwi kwene, mwikala mu uzya ukwaula umulandu uno mwatala. Yano yamuteeka uzya pasi pakuyuvwa nu kuiwanzya. Lyene nani kwene pasi pakunsuula insita zyonsi. Kuu kuli kulanda kwakwe Yawe

Kufuma 32:6

Caleka uwanda walondelela katondotondo yapeela impolelwa amawila yakoca nga yapeela na mawila autandano. Lyene antu iikala pansi iyatandika ukulya nu kumwa, alino nu kucina kwa uzelele.

Nyimbo zya ndosya 2:18

We Yelusalemu, lemasya ukulilila ku Mwene. Leka aminsozi yako yakonkoloka wa nguzi kasanya nu usiku. Cisi cakwezya ukuta ukulila. Kusi kuleka aminsozi yatale yume umu manso yako.

Oseya 8:2

Yene yakakuuta kunondi kuti njazwilizye, ala yakuti, ‘Swe ina Izlaeli twakumanya we Leza witu.’

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Yelemiya 12:2

Wemo wewe kwene ukayalema wa milemo. Nayo ali pakutamba wa misisi, iyakula yasuka yaseeka ni viseekwa. Kuvwanga kwene, awe cumi yakavwanga usaka usaka. Lelo ukuti yakusumbeko amano, awe kwene foo.

Oseya 13:9

“Ndonona mwe ina Izlaeli! Uzye lyene aweni angamwazwa?