Oseya 7:13 - Amazwi Yakwe Leza 2013

¹³ Kalanda kuno yali pano yene yansya. Si yale yononeke pamulandu wakuti yansangukila. Nemo nkalondesya ukuyatuula, lelo yakalukulanda sile vyaufi pali nene.

Oseya 7:13 交叉參考

Oseya 9:12

Nanti angala yene yangavyala ana, ndayonona, kusi umwana nanti wenga alasyala umumi. Kalanda kuno yali lilyo lino ndayafutatila.

Oseya 11:12

Yawe akuti, “Aluko lwakwe Efulemu yanzinguluka nu ufi. Aina Izlaeli yakatumpoka wakwe cimwi. Aluko lwakwe Yuda nayo kwene yatiyamfutatila ne Leza, Wamuzilo wilya nupya uwacumi.”

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”

1 Yoane 1:10

Ndi twati tutatala twifya, ale lyene tukuti Leza uwa ntumpu, nga ni zwi lyakwe lisi munotuli.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Yona 1:10

Alino Yona atwalilila kuyanena ukuti wene akwezya ukuutuka ku cinso cakwe Yawe. Alendo yaya apakuvwa vivyo iyaya ni ntete wakwe cimwi, nga yamuzya yati, “Lyene fwandi watucita cani?” Yene yamanyile ukuti akwezya ukuutuka ku cinso cakwe Yawe, pasi pano walanga watayanena mpiti umulandu uu.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Oseya 9:17

“Leza wane alakana antu kwene yayo pamulandu wakuti yakana ukumuyela. Yalalulumba sile pakasi ka nko zyuze.”

Oseya 7:3

Antu yasomba umwene uku vicitwa vyao viipe, ni vilolo vyakwe uku mapange yao aufi.

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Ezekelo 34:6

Uli mulandu kwene uno ufyo wane ukalulumba sile mpanga yonsi, mu myamba na pa twamba tusanzame. Ali cino zyasansantike mpanga yonsi, ukwaula nanti wenga uwakuti azisakamale nanti kwezya kuzilonda.

Ezekelo 18:25

“Lelo mwemo mukavwanga muti, ‘Ivikacita Yawe awe vitalolamo.’ Uvwini kuno mwe, mwe ina lzlaeli. Fwandi mwemo mukati musango uno nemo nkacitilamo ivintu utalolamo. Ala awe, imisango inu ali ino italolamo.

Ezekelo 18:2

“Uzye mwe antu mwalozya mwi apakuuma umulumbe uu? Pano antu yakavwanga mu mpanga ya Izlaeli yati, ‘Ivikolwe vitu ivyalile amatingi masasalume, lelo swe ana kuvyalwa yatuletela uwizila mu mino?’

Ezekelo 16:23

Nupya Yawe Simwandalali avwanga ati, “Ulacilola we Yelusalemu! Icumi ulacilola! Apa viipe vyonsi vino wemo ukacita,

Nyimbo zya ndosya 5:16

Kutacili nanti cimwi cino tungakwatilapo icilumba. Kalanda kunotuli, pano twifya!

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Ezaya 63:8

Nawe Yawe ali pakuvwanga ati, “Cumi cumi yaa ali antu yakwe nene, ali ana yane yano yatalatala yansangukile foo.” Fwandi ali cino nawe wayapususya kweneko,

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Masamu 106:10

Wayapuswisye umu makasa yakwe yayo ayazunyizye, wayatuula umu makasa ya mwanisi.

Yobo 22:17

Antu yaya nu kwipa kwao, yanenanga Leza yakuti, ‘Senka pano!’ Nupya yavwanga yati, ‘Uzye Leza Wamaka yonsi angacita cani kunotuli?’

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Yelemiya 7:15

Ndamuvwintila ukutali nani, ndi vino nacisile ku ina inu, antu amu mutundu wakwe Efulemu.’”

Yelemiya 51:9

Alino ainamasi nayo ali pakwasuka yati, ‘Swemo twezya na maka itu yonsi ukupozya Babiloni, lelo twaposiwa. Acino lyene katumusye sile wenga, cila muntu kaswilile ku mpanga yakwe. Pasi pano upinguzi wakwe watiufika papela pela, watiukatuka ukufika nu mu makumbi.’ ”

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Ezaya 30:2

Yene yakazenzemalila uku Eguputo, ukukulenga uwazwilizyo kuti Falao ayacingilileko ukwaula ukuti yatale yanguzye. Yakalonda ukuti impanga ya Eguputo aino iye icisao cakutuwilizyamo.

Oseya 5:7

Yene yasi acumi kuli Yawe, caleka ana yao nayo kwene yasi yakwe Leza. Acino ukuzevya kwao kwa inamasi kulayonona kumwi ni vyalo vyao.