Oseya 6:3 - Amazwi Yakwe Leza 2013

³ Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Oseya 6:3 交叉參考

Oseya 14:5

Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Masamu 72:6

Leka umwene acita ndi vino imvula ikacita umu vyalo. Umwene umutupu angaya wakwe tuswelele utukusansa apa mpanga.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Zakaliya 10:1

Mwauzya imvula ya mooko kuli Yawe. A Yawe aliwe akaleta amakumbi ni mvula kwene, nu kumezya ivintu mu vyalo vya muntu ali wensi.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

Luka 1:78

Leza witu wakwatisya mizu. Alatutumila luswepo kufuma kwiyulu ululaengesa panotuli wa micalalazi yi lanzi katondo

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Oseya 10:12

Muitandile uololoke, nga mulazombola upolelelo uwa kutemwa kwane ukwa muntaputuka. Umini mazela mwi sala linu pano insita yakulondalonda Yawe yatifika. Mwalukulonda Yawe mpaka ace awele ku kwiza mupongolwela upolelelo.

Ezaya 54:13

Ana yako yonsi yalasambilila kuli ne Yawe, isyuko lyao lilakula wakwe cimwi.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Oseya 2:20

Ndakutaisya muli ucumi, nga nawe ulamanya ukuti nene indi Yawe.”

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Ezaya 32:15

Lelo Leza alatutumila Mupasi wakwe, ukufuma kwiyulu, alino amalwanga yalasanguka avunde, cakuti nu mu vyalo mulafuma ivyakulya vya mpomvu.

Masamu 65:9

Pano nsi, awewe ukasunga impanga nu kuiletela imvula. Ukalenga ukuti iye ikankala nupya iya muvundo. Ukalenga inguzi zizule amanzi apakuti antu yakontelela imbezu zyao. Vyonsi vii, awewe ukateyanya.

Malango 32:2

Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Yobo 29:23

Umuntu wensi wayapokelelanga kwati avino alimi yakapokelela imvula ya mooko.

Mika 5:7

Lyene antu yakwe Yakobo asyala yonsi yalaya pakasi ka mitundu ingi ya antu, wa lumi ulwafuma kuli Yawe. Yalaya wa mvula ino ikutonya pa mulemvwe, ino isilolela ukunenwa nu muntu, nanti umuntu aipeele ilamulo.

Masamu 19:4

Ukuvwika kwa viko kukaya umu nsi yonsi. Na mazwi yaviko yakalimba uku mpela ya nsi. Wakuulila ilanzi umwakwikala umwiyulu.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

2 Samueli 23:4

wene akoline wa micalalazi yi lanzi akatondo lino kusi amakumbi, ilanzi lino likalenga isote ukukula ningo, pacisila lino imvula yatonya.”

Masamu 19:6

Likatunka uku mpela yi yulu, ilipita ukufika nu kumpela yuze. Kutaya nanti conga icisiuvwa ukukaya kwaliko.

Masamu 63:8

Kuli wewe ali kuno nanyinyinda, ni kasa lyako ali lino likankumbatila apa kumpususya.

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Oseya 14:6

Imisambo yao iteku ilavunguluka, Yalayemba wa miti ya miolivi, Yalanunkila wa mukelide waku Lebanoni.