Oseya 6:2 - Amazwi Yakwe Leza 2013

² Umu manda yaili nanti yatatu wene alatupuputula, nga naswe tulaya nu umi pa manso yakwe.

Oseya 6:2 交叉參考

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

1 Kolinto 15:4

Alino wene wazisilwe nga pacisila ca manda yatatu aca azyukuka kufuma ku mfwa, ndi vino calembwa mu malembelo. Mat 12:40; Mil 2:24

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Utandiko 17:18

Lyene Abulaamu auzya Leza ati, “Uzye citange cizipe mupolelele Isumeli kwene wi?”

Loma 14:8

Ndi twikala aumi, ale apamulandu wa Mwene. Acino nanti tuye aumi, nanti tufwe, sweswe antu ya Mwene, nga icili conga ndi twafwa.

Masamu 61:7

Sungala uleke ateeka amanda pe pa manso yako we Leza. Uwalukumuwakilila ni citemwiko cako icamuntaputuka na ucisinka wako.

Masamu 71:20

Wemo awewe ukandetela amizu na malanda. Lelo nupya awewe kwene ulampuputula. Nu kumfumya uku milomo yi lindi.

Kasambilizya 3:3

kwaya insita ya kukoma ni nsita ya kupozya, kwaya insita ya komoola ni nsita ya kukuula.

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.