Oseya 4:8 - Amazwi Yakwe Leza 2013

⁸ Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

Oseya 4:8 交叉參考

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

1 Samueli 2:29

Nga nupya pacani cino ungatumbwila amanso nu kuzazila amawila yano nanenyile antu ukundetela? Uzye pacani cino ungacindikila ana yako aonsi ukuluta pali nene pa kuyata yiine pa kuilyokezya ukulya amawila asuma wakwe cimwi yano antu yane aina Izlaeli yapeela?

Aina Levi 6:26

Simapepo wino wapeela uwila wa nyama, alye inyama iyo. Ailile mu Ncende Yamuzilo, pa musolo wi Taalu lya Ukongano.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Masamu 24:4

Awiyo uwa minwe yakaele nu wa mwenzo uswepe, nupya asipepa utuluwi nanti ukulaya ivyaufi.

Ezekelo 14:7

“Ndi cakuti umuntu ali wensi, mwina Izlaeli ali wensi nanti umwinamasi wino akwikala pakasi kao, wakana nene nu kwika umwenzo wakwe pa tuluwi twakwe, nga nu kwika amanso yakwe pa vintu vyuze vyakupumika kweneko, umuntu wiyo ndi wiza ku kuuzya kunondi, kupitila muli kasema, ne Yawe ndamwaasuka nemwisikulu.

Ezekelo 14:3

“We mwana wa muntu, antu yaa yatiyika imyenzo yao ku tuluwi twao, nu kwika amanso yao pa vintu vyuze vyakupumika kweneko. Uzye yene yakwelenganya ukuti nemo ndayaasuka lino yanguzya?

Masamu 25:1

Kunuli we Yawe akuno natuula ipepo lyane.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Oseya 10:13

Lelo mwemo mwakomile ukakasi, nu kuzombola inkota. Mwalya iviseekwa ukufuma mu ntumpu zinu. Pamulandu wakuti mwasintilile mu maka inu, nu mu wingi wa vita vinu,

Oseya 12:8

Aluko lwakwe Efulemu yakaitutumula yati, ‘Endi, sweswe yakama, twatitukwata icuma civule, kusi umwi wino angatupeela umulandu wakukwila icuma mu ucenjezi.’

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Aina Levi 6:22

Ku nsita yonsi yaku nkolelo uwila uu ulinzile kupelwa na wensi uwamu mupanda wakwe Aloni, wino akutumikila nga Simapepo Mukulu. Alinzile aoce onsi pyu.

2 Yamwene 12:16

Ulupiya ulwapelwanga uku kulipa ku milandu nanti uku kuzifya vino vyativivulungana, lwene yatalutwalanga ku Ng'anda ikulu yakwe Yawe. Lelo lwayanga sile kuli yasimapepo.