Oseya 4:4 - Amazwi Yakwe Leza 2013

⁴ Yawe akuti, “Lelo mutaleka umuntu ali wensi asiike umulandu, ali wensi wakupeela umuze umulandu, pano umulandu uli pakasi kane nga namwe yasimapepo.

Oseya 4:4 交叉參考

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Amosi 5:13

Uli mulandu apa nsita yamusango uu, umuntu wa mano akaikala cele, pasi pano yene ili nsita imwi iipisye.

Oseya 4:17

“Antu aku Efulemu yakonelela ku kupepa utuluwi, yatini sile!

Amosi 6:10

Uwa kazi kakwe wiyo uwatafwa, wiyo alinzile kusunga indosya aliza nu kwizafumya icala umu ng'anda iyo. Alino aluzya ali wensi uwatasyala afisime umu ng'anda kwene ilya ati, “Uzye mumo muli umuntu namuze umupuma wino muli nawe?” Nga nawe alaasuka ati, “Awe, musi nanti wenga.” Alino uwakazi wilya alavwanga ati, “Ikala sile myaa! Tutezya ukulumbula izina lyakwe Yawe.”

Ezekelo 3:26

Ndalenga nu kuti ululimi lwako lukakatile uku camvu, umaya ciulu, icakuti utange uyasokeko nupya, pano yaya uluko lumwi ulutalame.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.