Oseya 4:13 - Amazwi Yakwe Leza 2013

¹³ Yene yakapelela impolelwa zyao apa myamba papela, nu kufutumula ubani apa tulundu, umwisika ya miti imioko, imyovu nga ni miti iyaanza imisambo, mumo muno icisao caiko icisuma. “Caleka ana inu anaci yakucita uzelele na yanyokovyala yakucita ulenzyo.

Oseya 4:13 交叉參考

Ezaya 1:29

Ala icumi kwene mulalanguluka apa miti ino mukapepa, napa tuluwi tuno mukalimila ivyalo.

Ezekelo 6:13

Ivyala vyao vilaya sile ntangali ntangali, kumwi nu tuluwi twao kwene. Vilaya sile monsi monsi umu mbali ya tuvuwa twao, vilaya ntangali ntangali pa twamba tonsi ututali, na papela ya myamba yonsi, nu mwisika lya miti yonsi itambilile, nu mwisika lya miti yonsi ilembe, kuli kuti apali ponsi sile pano yakatuulila utuluwi impolelwa zyakoca. Nga alino yonsi yalasinkizya ukuti fwandi nene indi Yawe.

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Ezekelo 16:25

Nanti angala wayemba, lelo kwene wewe mukowele. Pasi pano umwili wako ukautwala uku muntu ali wensi wino wiza kunuli, icakuti lyene na ucizelele wako wati usuka ukulilako.

Ezekelo 16:16

Watolanga ivyakuzwala vyako ivicindame, nu kuipangila utuvuwa umwa kupepelamo tuleza utuluwi, ali muno walongozyanga.

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Ezaya 57:7

Mwemo mukaya napapela ya myamba, apano mupanga imisanzi yakucitilapo ivya ukakasi nga nu kutuulilapo impolelwa.

Ezaya 57:5

Amwemwe kwene mwemuno mukucita ivya uwelewele umu miti, imitelebinte nu mu miti yonsi ivumbilikizye. Mwemuno mukaoca ana inu impolelwa umu mikonko nu mu mipokapoka ya mawe.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

2 Yamwene 17:7

Icalenzile ukuti Samaliya awe, umulandu ni mpulupulu zya ina Izlaeli izyakwifya kuli Yawe umwene wao, uwayakulwile ku mwene waku Eguputo, nupya ayatungululula nu kuyawaka ukuti yafume mu Eguputo. Nayo iyatandika ukupepa tuleza tuze, ni nsonyi foo.

2 Yamwene 23:7

Atamola ni miputule iyali mu Ng'anda ikulu yakwe Yawe, muno mwikalanga aonsi acende na anaci yacizelele. Umu miputule iyo kwene amuno anaci yapikwilanga imingila ino yaomvyanga apa kupepa Asyela.