Oseya 3:4 - Amazwi Yakwe Leza 2013

⁴ Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 3:4 交叉參考

Yakapingula 17:5

Lyene umuntu wi Mika wakweti icifulo cakwe icakupepelapo, nga wapanzile ni cakuzwala ca efodi nu tuluwi nga aika umwana wakwe umwi pali usimapepo.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Utandiko 31:19

Insita ilya Labani walanga wapita ku kusenya imfwele mavumbu, na lino atalipo Lakeli asyala aiya tuleza tuluwi twamu ng'anda mwakwe Labani, isi.

Ayebulai 10:26

Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.

Danieli 12:11

“Ukutandikila sile lino ukupeela kwa mpolelwa zya cila wanda kulasila, kuli kuti, ukutandikila sile apa nsita ya cintu caononyi cakoofya, amanda 1,290 yalapita.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

1 Samueli 23:9

Lino Davidi wamanya ukuti Saulo watapanga ukumukoma, anena Abyata simapepo ati, “Ndetele cakuzwala ca efodi.”

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.

Kufuma 28:4

Vyakuzwala vino yali nu kusuma aivi. Cakuzwala ca pacisao, cakuzwala ca efodi, mwingila, ikoti lyapetwa mumbali ningo, tulibani wakuzwala ku mutwe nga nu musipi wa nsalu. Yasume vyakuzwala vya usimapepo vya munyonko Aaloni nga ni vya ana yakwe, pakuti yangatumikila wakwe yasimapepo.

Yoane 19:15

Caleka yasanzika mazwi yao yati, “Mukome! Mukome! Atanwe pa lupanda!” Pilato ayauzya ati, “Uzye mukulonda ntane mwene winu pa lupanda?” Yasimapepo akalamba yaasuka yati, “Tutakweti mwene muze suka Kesa!”

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Oseya 13:11

Mu ukali wane namupiile yamwene, nu mu cipyu cane imupoka nu kuyasenda.

Oseya 2:11

Namalesyanya ukuzevya kwakwe konsi pyu, ukwa vimulo vya cila mwaka, nu kwa ndoleko ya mwezi.

Danieli 11:31

Asilika yakwe yamwi yalakowezya Ng'anda ikulu yakwe Leza. Yalaleka antu yate kupeela impolelwa zya cila wanda nga yimike ni Cawinyi ca Ononyi.

Ezekelo 21:21

Pano umwene waku Babiloni wataimilila pa masansa ya nzila ziili, akupendola pakuzulunzya inceto, akuuzya nu tuluwi twakwe nu kuceceta itima lya nyama ino yafyulile utuluwi.

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”

2 Yamwene 23:24

Mu manda kwene yayo Yosiya wazinzile antu yonsi auzyanga uku mipasi ya antu afwe na asapolanga umu mpanga yaku Yuda nu mu Yelusalemu kwene. Wafumizye nu tuluwi tuno yapepanga wakwe tuleza, tuto tonsi utwali umu ng'anda pamwi ni vintu vyonsi vino antu atamanya Yawe yaomvyanga apa kupepa. Wene wacisile cii apa kufikilizya amasunde amu lupapulo luno Simapepo Mukulu Hilikiya wazanyile umu Ng'anda ikulu yakwe Yawe.

2 Samueli 6:14

Davidi wazwite cakuzwala ca efodi icapangilwa ku nsalu itelepelele umu musana, nga acina apapezile amazya yakwe yonsi kuti acindike Yawe.

1 Samueli 30:7

Alino Davidi anena simapepo Abyata umwana wakwe Aimeleki ati, “Ndetele cakuzwala ca efodi.” Abyata nawe amuletela icakuzwala cici.

1 Samueli 23:6

Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.

1 Samueli 22:18

Lyene umwene wilya apeela ilamulo kuli Doegi ati, “Senuka nu kukoma yasimapepo.” Acino Doegi umwina Edomu asenuka nu kukoma yasimapepo. Nu wanda ulya kwene wene wakomile aonsi amakumi cinani na yasano, yao azwalanga cakuzwala ca efodi icapangilwa ni nsalu itelepelele.

1 Samueli 21:9

Simapepo wilya nawe aasuka ati, “Pali ulupanga lwakwe Golyati umwina Filisti, wino wemo wakomile mu Cifoloma ca Elaa. Lwene lupomvilwe umu nsalu ukwi tundu ya cakuzwala ca efodi. Ndi cakuti ukululonda, lusende. Pasi ulupanga naluze pano, suka sile lulo kwene.” Davidi nawe avwanga ati, “Pasi ulupanga naluze ulungacila pali lulo. Mpeko lulo kwene.”

1 Samueli 14:3

Pali yakwene apali Aiya, uwazwite cakuzwala ca efodi. Wene wali umwana wakwe Aitubi umwina wakwe Ikabodi, umwana wakwe Pineasi umwana wakwe Eli, uwali a simapepo wakwe Yawe ku Syilo. Kutali umwi uwamanyile ukuti Yonatani watapita.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

Aina Levi 8:7

Lyene azwika Aaloni ilaya nu kumunyepela musipi mu musana. Alino amuzwika ni cakuzwala ca efodi, nga amunyepela nu musipi upikule mu musana.

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Utandiko 31:34

Lakeli walanga watatola tuleza twamu ng'anda yakwe Labani tuno wivile atufisa pa cikalilo, pa nsizi ya ngamila aikala napo. Labani asakaula mu viya vyali mwi taalu lyakwe Lakeli, lelo atazanyilemo tuleza twakwe.

Yakapingula 18:14

Lyene aonsi yalya yasano yano yaile iyendezya impanga ya Laisyi iyanena aina yao yati, “Uzye mwamanya ukuti umu ng'anda imwi pa ng'anda zii mwaya cakuzwala ca efodi, akaluwi akawaze kano yengelelako siluva? Nupya mwaya utuluwi tuze. Lyene elenganyini vino tulinzile ukucita.”

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

Oseya 13:10

Mwalenzile ukupelwa umwene ni ntunguluzi, lelo yene yangatuula uli uluko?

Zakaliya 10:2

Antu yakauzya vimwi ku tuluwi tuleza twao, lelo vino tuluwi tukayasuka ala vyauwelewele sile, nupya ivyaufi ufite fititi. Yakasapoola nayo aufi sile, yakatumpoka, yakalota sile vyakulota, yakaicuzya sile ukutekezya antu imyenzo. Fwandi uli mulandu kwene uno antu yakalulumba sile wa mfwele ziponge. Antu yakacula pano yatakwata wakuyatungululako.

Kufuma 28:6

Cakuzwala ca efodi yacipangile na zaabu, insalu ya cifungo, yacifuvya, iyenzu, alino na bafuta mutelepe mupangwe ningo nupya mupetwe usaka.

Ezekelo 19:14

Nga alino mu cimuti kwene ca mutingi mufumamo umoto, nao wiza oca misambo yakweo kumwi ni viseekwa vyakweo. Awe imisambo iyo yakweo italatala ikome nupya, nupya italatala iye intuwa zyakwe yakateeka.’ Fwandi lulo ali lwimbo lwa ulanda, ulukaimbwa lili lili apa ndosya.”

Ezekelo 21:31

Lino ndakukatukila wa cimbilimbili ca moto, alino wemo uluvwa apapela icipyu cane. Ndakusumbila ku antu aya wa vilyanyi ku ukali, ku antu amanya ukusalipa.