Oseya 2:19 - Amazwi Yakwe Leza 2013

¹⁹ We Izlaeli ndakutaisya kuti uce uye umuci wane mpaka umuyayaya. Ndakutaisya mu ulungami, mu wololoke, nu mu lukundo nga nu luse.

Oseya 2:19 交叉參考

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Ezaya 54:14

Ulakuulilwa apa ulungi, ulacingililwa nu ku ntazi. Utalatala uvwe intete. Yalakucingilila kuli vyonsi ivingakoofya. Vitalakupalama foo.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Loma 7:4

Ali vino cili na kuli mwemwe mwe inane. Pano mwemwe vilundwa vya mwili wakwe Klistu, mwafwa pamwi naliwe ku Masunde yakwe Mose. Ndakai mwemwe yakwe Klistu, wino uwazyukwilwe kufuma ku afwe, pakuti twatumikila Leza ningo.

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Ezaya 1:27

Pamulandu wakuti Yawe umulungami, wene alapususya Zioni. Yawe akacita wa vyaololoke, alapususya na ikazi yamwenemo yayo azenzuka.

Yowelo 3:20

Lelo uku Yuda kwene antu yalayelelela umuyayaya, nga uku Yelusalemu kutalaulwa antu mu nkulo zyonsi.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Ezaya 54:6

Nacendi we Izlaeli Yawe akukwama, uwele wa mwanaci wino yatazyela, wino akucula umwenzo. Uzye kwene umuntu angatazyela umuci uwamu ulumendo wakwe? Vivyo ivyavwanga Yawe.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.