Oseya 2:11 - Amazwi Yakwe Leza 2013

¹¹ Namalesyanya ukuzevya kwakwe konsi pyu, ukwa vimulo vya cila mwaka, nu kwa ndoleko ya mwezi.

Oseya 2:11 交叉參考

Amosi 5:21

Yawe wavwanga wati, “Amanda inu a vimulo vyamapepo nayapata nupya nsizangila mu ukongano winu uli onsi uwa mapepo.

Amosi 8:5

Mwemo mukaivwanzya muti, “Uzye umuloleko wa Mwezi Upya ulasila lilaci pakuti tukakazye imbezu? Uzye wanda wi Sabata ulasila lilaci pakuti tukakazye ingano, nu kuti tuomvye ivipimilo vya ucenjezi, nu kukomya umutengo nu kuomvya inteko zya ucenjezi,

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Yelemiya 16:9

Pano Yawe Wamaka yonsi, Leza wa ina Izlaeli wavwanga wati, “Lola ndafumya umu ncende ii, apa manso inu izwi lya nseko ni izwi lya nsansa, izwi lyakwe siwinga ni zwi lyakwe nawinga.

Naumi 1:10

Wa myunga ipombane nupya wa vipelele, mwe antu akolesi mulociwa nu moto!

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Ezekelo 26:13

Ndaputula izwi lya nyimbo zyako, ukulila kwa vinanda vyako kutaluvwika nupya.

Yelemiya 25:10

Utupundu twinu twa luzango nu kusansamuka, nemo namatumalila namapuulamika na matwi yakwe yasiwinga na yanawinga. Namamyalalika ni cilulumo ca mawe yakusiila kweneko nu kuzimya inkozyo zinu.

1 Yamwene 12:32

Alino Yeloboamu wateinye uzevyo pa wanda uwalenga ikumi na yasano mu mwezi wakwe cinani, ukulingana nu wanda uno yateinye ku Yuda, nga apeela ni mpolelwa pa kavuwa. Wacisile ivintu vii ku Betele, ala akupeela impolelwa ku twana twa ng'ombe utuluwi twakwe zaabu tuno wapanzile. Nupya ku Betele kuko aikako na yasimapepo akutumikila pa ncende zino yakapepela mwenemo zino wakuula.

Oseya 5:7

Yene yasi acumi kuli Yawe, caleka ana yao nayo kwene yasi yakwe Leza. Acino ukuzevya kwao kwa inamasi kulayonona kumwi ni vyalo vyao.

Aina Levi 26:20

Kuombesya kwinu konsi kutalamutumbwila nanti cimwi, pamulandu wakuti impanga inu italamezya ivilimwa nga ni miti nayo italaseeka viseekwa.