Oseya 14:3 - Amazwi Yakwe Leza 2013

³ Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Oseya 14:3 交叉參考

Masamu 68:5

Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Oseya 14:8

Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Oseya 5:13

“Lino antu aku Efulemu yalola ukuti yakulwala, nga antu aku Yuda nayo yalola ivilonda vyao, antu aku Efulemu yaya iyaya ku ina Asilya, antu aku Yuda nayo yatuma amazwi ku mwene mukulu, kuti ayazwe. Lelo wene atakweti amaka akuyapozya nanti ukulwazya ivilonda vyao.

Oseya 2:17

Ndamulesya kuti atakatale aezye ukulumbula amazina yakwe Tubaali nupya. Endi, antu yatalatala yame apa mazina yayo.

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Ezaya 30:16

Mukalonda sile ukuzinganya anisi inu pa mfwalasi. Nu kulungika ee kwene mukalungika, kamwalukuutuka! Mukaelenganya ukuti imfwalasi zinu izyalwilo sana. Lelo mulalola ukuti yano yakamuzinganya yalamulusya ulwilo.

Masamu 33:17

Imfwalasi itange iye iya kutailako apakupusuka foo. Amaka yakweyo atupu yatange yakutuule foo.

Yoane 14:18

“Ntalamusya mwenga wa ana asyale, lelo ndawela kunomuli.

Oseya 12:1

Vyonsi vino Aluko lwakwe Efulemu yakacita ukutandikila akatondo mpaka usiku ivyasilesile, nupya vikaonona. Ucenjezi ni vicitwa vya usomvi vikusanduluka pakasi kao. Yene yakapangana na ina Asilya nu kucita uculuzi na ina Eguputo.

Oseya 8:9

Pano yene yutukila uku Asilya ungati imfwalasi zyamu mpanga izikululumba zyonga. Aluko lwakwe Efulemu yalipila antu amu nko zyuze kuti yayazwilizya.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Oseya 7:11

“Aluko lwakwe Efulemu yakoline wa nkunda, itumpe, iyaula amano. Yene yakaama aina Eguputo, nu kuya ku Asilya kukulenga uwazwilizyo.

Ezekelo 37:23

Yatalaikowezya nupya uku tuluwi foo, nanti ukuikowezya uku vintu vyuze iviipe. Ndayapususya uku misango yao iipe ino yayalenganga ukwifya nu kunsangukila. Ndayazifya nayo yalaya antu yakwane sile, nani ndaya Leza wao.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezaya 36:8

Ali cino fwandi lyene iza sile mwandane ucuza nu mwene waku Asilya. Nemo namakupeela imfwalasi amazimbi yaili. Wemo cikulu sile uzane antu akumanile yano yangakwelapo.

Ezaya 31:3

Aina Eguputo yasi yaleza foo, lelo antu sile. Imfwalasi zyao isi mipasi foo, lelo inyama sile. Lino Yawe alacitapo cimwi, ale umutundu wa antu yamaka wapelelwa. Na antu ya mitundu yonsi yoili ale yalowa.

Ezaya 30:2

Yene yakazenzemalila uku Eguputo, ukukulenga uwazwilizyo kuti Falao ayacingilileko ukwaula ukuti yatale yanguzye. Yakalonda ukuti impanga ya Eguputo aino iye icisao cakutuwilizyamo.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Ezaya 1:29

Ala icumi kwene mulalanguluka apa miti ino mukapepa, napa tuluwi tuno mukalimila ivyalo.

Masamu 146:9

Yawe akawaka aenyi, akaikala mu mpanga itu. Wene akawaka yamukamfwilwa na ana asyale, lelo akavulunganya inzila zyakwe yakaifya.

Masamu 146:3

Mutataila muli yakateeka, umu mwana wa muntu atange amupususye.

2 Milandu 16:7

Apa kasita kwene kaka kasema, Hanani aya uku mwene Asa nga amunena ati, “Apamulandu wakuti wemo wataile umu mwene waku Asilya, umu cifulo ca kutaila muli Yawe, Leza wako, ivita vya ina Izlaeli vyativikupuuka.

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Yelemiya 49:11

Nsilini ana asyale, indaazwa na yamukamfwilwa yako.”

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Yona 2:10

Alino Yawe apeela ilamulo ku ciluswi cici kuti ciluke Yona apa cituntu pa musili ume, nga naco icicita vivyo kwene.