Oseya 13:2 - Amazwi Yakwe Leza 2013

² Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Oseya 13:2 交叉參考

Oseya 2:8

Wene atamanyile ukuti anene nkamupeela ingano, waini umupya nga na mafuta. Wene atamanyile ukuti anene nkamupeela siluva na zaabu umuvule wakwe cimwi, vivyo vino antu yayo yakapangila amaunkolanya yakwe Baali.

Ezaya 46:6

Antu yamwi yakasapula imifuko yao nga yafukumulamo zaabu, nga yapima siluva pa masikelo. Alino yalemba musyanyi umwi incito, nga nawe ayapangila tuleza utuluwi. Lyene nayo yatufukamila nu kutupepa.

1 Yamwene 19:18

Lelo nemo indi nu kusya penepo antu ukulingana na mazimbi cinimbali, yao atatala yantalamila nupya yatatala yafukamila Baali nanti ukutonsola kaluwi kakwe.”

Yelemiya 10:4

Alino yaemvya iciwaze kuli siluva na zaabu. Alino yacipampamila ningo ku nondo ni nsunga apakuti vilemane ningo.

Loma 11:4

Uzye Leza wamwaswike ati uli? Watile, “Naisungila antu yane amazimbi cinimbali atatala yapepa Baali, leza kaluwi.”

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Oseya 11:6

Inkondo ilonona imisumba yao. Anisi yalavuna imilyango ya mpongolo zyao nu kuyonona, pano aisikulu yalondela sile amapange yao.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Oseya 8:4

Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Ezaya 46:8

“Ala mwe! Mwaiusya ivintu vii nu kwelenganyapo, muvisungile mu myenzo, mwe yacisanguka mwe!

Ezaya 45:20

Yawe wavwanga wati, “Mukongane pali pamwi muye ponga. Izini kuno mwemuno mwapuswike lino imiteekele ya mpanga zinu yononike. Ndanji kuno ukwi tengo! Imbutuma antu yano yakatandazya utuluwi twao twa vimuti, yayo akapepa tuleza ututanga yapususya.

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Ezaya 1:5

Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

2 Milandu 28:13

Yavwanga yati, “Mutalinzile ukuleta anyepwe yayo kuno. Ndi mwacita vivyo lyene Yawe amatupeela imilandu. Uzye mukasi kuti tongezye ukwifya Yawe nu kuya amulandu wakwe cimwi? Pasi pano twatala mpiti umulandu ukulu, nga nu ukali ukulu wakwe Yawe uli pa ina Izlaeli.”

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

Mpendwa 32:14

Mwalola lyene mwe ntalanganyi mwe! Mwapyanikizya pali yaso. Mwalundapo na pa cipyu cakwe Yawe cino wakwatile aina Izlaeli lili.

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Oseya 4:17

“Antu aku Efulemu yakonelela ku kupepa utuluwi, yatini sile!

Oseya 8:5

Unkolanya wa mwana wa ng'ombe uno aina Samaliya yakapepa wanguvwisya uwinyi. Acino ukali wane wafulumila antu yayo. Uzye ukufika lilaci lino yalata ukukowela kuko?

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Ezaya 44:11

Wiyo wensi akaupepa alazewana sile. Antu yano yakapanga utuluwi yene asilesile. Lekini yace yize ku upinguzi. Cilayaletela ulanda nu muzewanya wakwe cimwi.

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.