Oseya 12:1 - Amazwi Yakwe Leza 2013

¹ Vyonsi vino Aluko lwakwe Efulemu yakacita ukutandikila akatondo mpaka usiku ivyasilesile, nupya vikaonona. Ucenjezi ni vicitwa vya usomvi vikusanduluka pakasi kao. Yene yakapangana na ina Asilya nu kucita uculuzi na ina Eguputo.

Oseya 12:1 交叉參考

Oseya 11:12

Yawe akuti, “Aluko lwakwe Efulemu yanzinguluka nu ufi. Aina Izlaeli yakatumpoka wakwe cimwi. Aluko lwakwe Yuda nayo kwene yatiyamfutatila ne Leza, Wamuzilo wilya nupya uwacumi.”

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

Oseya 5:13

“Lino antu aku Efulemu yalola ukuti yakulwala, nga antu aku Yuda nayo yalola ivilonda vyao, antu aku Efulemu yaya iyaya ku ina Asilya, antu aku Yuda nayo yatuma amazwi ku mwene mukulu, kuti ayazwe. Lelo wene atakweti amaka akuyapozya nanti ukulwazya ivilonda vyao.

Ezekelo 17:10

Ukulemwa kuno walemwa, uzye ulalemuka? Uzye utalanyala, umuza waku ufumondaka ndi wapunga kuno uli? Ala ulumila pa musili kwene pano wamelela.’”

Yelemiya 22:22

Umuza umaululula intunguluzi zinu zyonsi. Yano mwalemana nayo yalayasenda ku uzya. Alino lyene mwemo insonyi zilamulema, mulapupana pamulandu wa uyi uno mwacita.

Yobo 15:2

“Uzye kwene umuntu wa mano ali wino angaasuka amazwi ya uwelewele? Nanti ukwikuta umuza ukaye uno ukafuma uku ufumondaka?

2 Yamwene 15:19

Lyene Pulu umwene waku Asilya wazanzile mpanga ya Izlaeli. Alino Menaemu apeela umwene Pulu siluva amakilogalamu 34,000 apakuti amwazwilizye ukuteeka uwene wakwe.

Utandiko 41:6

Lyene ku lusawa ululi lumwi kutumba misakinta nayuze cinimbali, inyale nupya ifooke pamulandu wa muza uno wafumanga mu lwanga.

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

Yelemiya 7:15

Ndamuvwintila ukutali nani, ndi vino nacisile ku ina inu, antu amu mutundu wakwe Efulemu.’”

Nyimbo zya ndosya 5:6

Tukatambilikizya amakasa itu ku Eguputo nanti ku Asilya apakulola icakulya kuti twikale aumi.

Oseya 4:19

Yene yalafumiwapo ungati icintu cino casendwa na nkungulupya, nga yaluvwa ni nsonyi apamulandu wa mpolelwa zyao zya inamasi.

Oseya 7:11

“Aluko lwakwe Efulemu yakoline wa nkunda, itumpe, iyaula amano. Yene yakaama aina Eguputo, nu kuya ku Asilya kukulenga uwazwilizyo.

2 Milandu 21:11

Apatandikile nu tuvuwa twa kupepelamo utuluwi twaku mpanga ya myamba yaku Yuda. Nupya wene watungulwile na antu aku Yelusalemu kuti yatakwata icumi nu kuponzya aingi aku Yuda.

Masamu 78:36

Lelo kwene amazwi yao yali aufi sile, ni mivwangile yao yali iya ndimi ziili.

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Oseya 11:9

Ntalakuvunuka mu ukali wane, ntalakonona we Efulemu, pano nene indi Leza, insi muntu awe. Nene, Wamuzilo wilya, indi namwe. Nupya ntalawela kunomuli ku kwiza monona.