1 Yawe akuti, “Lino Izlaeli wali umwana munono, namutemilwe nga imwama umwanane ukufuma lino wafumile mu Eguputo.
Aikala kweneko kufika lino Helodi wafwa, kuti cifikiliziwe cino Mwene wavwanzile kupitila muli kasema ati, “Namile mwanane umonsi kufuma ku Eguputo.”
Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.
Yawe wavwanga wati, “Nene indi Yawe Leza winu wiyo uwamutungulwile ukufuma mu Eguputo. Mutaya na Leza muze suka sile nene. Nene ndi Katuula winu, nenga mpo.
Kuku kwene akuno ndamuwezezya vyalo vyakwe vya matingi. Ndasenula Cifoloma ca Ntazi kuti ciye impongolo ya upaalilo. Nga kuku kwene akuno wene alazumila kunondi ndi vino wazumile lilya lino wali umwance, lino wene wafumile mu Eguputo.
“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.
Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.
Apa kufumya aina Izlaeli mu Eguputo Yawe waomvizye kasema. Nga wayasunganga kupitila muli kasema kwene wiyo.
“Lelo nemo, napitile lwakuno yakusumbile. Nga nuvwa kuno ukupantoka, ukuivumvunya umu wazi wako. Nga nalino ucili uizi mumu kwene, niza nakuvwanzya nati, ‘Samalale, ungala uye nu umi ukakule uye wi sote lya mu mpanga.’
“Yawe atamutemilwe nu kumusolola pamulandu wakuti mwavulisye ukuluta antu yauze asyala. Mwemo mwali uluko lucepesye ku wingi pa antu yonsi pano nsi.
Lelo nemo nene indi Yawe Leza winu, wiyo uwamufumizye mu Eguputo. Ndalenga kuti mwikale mu mataalu, ndi vino cali mu manda ya kuzevya vimulo vinu.
Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”
We Izlaeli, tunene vino anisi yako yakakuzunya ukufuma sile ku wance wako. Vwanga uti,
Yawe walanda wati, “Natintazyela antu yane. Ninkana umutundu wane usololwe. Nasumba antu yane akundwe mu makasa ya anisi yao.
Mu musango uli umwi kwene avino vilamucitikila mwe ina Betele, pamulandu wa ukakasi winu ukulu. Lilyo kwene lino inkondo ilatandika, umwene waku Izlaeli nawe alakomwa.”
mwaweni vino nacisile ku ina Eguputo. Nupya mwaweni vino namusenzile wakwe vino cipungu akasenda ana yakwe pa maapa, nga imuleta kuno kunondi.
Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.
Pano kunondi wemo wacindama wakwe cimwi, ali cino ndakukauzya na antu. Pano wewe wamutengo ukulu pa manso yane, nupya nakutemwa ndakauzya umi wako ni mitundu ya antu.
Apa kasita konsi kaa kano wikalila nu kucita ucizelele, icumi usitala uwikale pansi nu kwiusya vino waviilwe, na vino walaangananga sile umu wazi wa mbuza, na vino wapitanga tupu umu wance wako.”
