Oseya 10:8 - Amazwi Yakwe Leza 2013

⁸ Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Oseya 10:8 交叉參考

Luka 23:30

Lilyo alino antu yalanena imyamba yati, ‘Tuponelini,’ nga nu kunena twamba yati, ‘Tufisini.’

Umbwilo 6:16

Alino yanena myamba ni milunda yati, “Tuponelini nu kutufisa ku manso yakwe wino uwikala pa cilimba ca wene nga nu ku ukali wa Mwana wa mfwele!

Ezaya 2:19

Antu yayo yalafisama umu macele, umu myamba nanti ukwimba ya polowe, umwakwezya ukufisama mwenemo. Cico cilaya apamulandu wakuutuka amaka yako, nu kucindama kwako apa nsita ino uliza umu kutensya insi.

Oseya 9:6

Nanti angala yalutuka uononesi, aina Eguputo yalayakolonganya, nu ku yiika mu malindi kuku kwene ku Memfisi. Apa vyuma vyao vyakwe siluva palamela ivikona. Mu mang'anda yao mulamela imyunga.

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Ezaya 32:13

Alino musakamale na pa myunga ino ilaakulila pamwi na yankololwe mu musili wa antu yane. Losyini amang'anda yonsi muno mukaikala antu nu luzango. Mulilisye mu musumba uno antu yakazevyamo.

Umbwilo 9:6

Mu myezi iya isano antu yalalonda imfwa, lelo imfwa italaloleka. Yalalonda ukufwa, lelo imfwa ilutuka kufuma kunoyali.

Mika 1:13

Mwe ikazi aku Lakisyi, nyepelelini imfwalasi zinu ku maceleta. Mwemwe mweleuzyanga amaifyo ya ina Izlaeli, nga imuleka aikazi aku Yelusalemu yifya.

Mika 1:5

Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Oseya 5:8

Lizini intandala mu Gibeya, lizini ipenga mu Lama! Sanzulini kupunda kwa ulwi mu Beti Aveni! Mwe aku Benjamini si tungululini!

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Oseya 4:13

Yene yakapelela impolelwa zyao apa myamba papela, nu kufutumula ubani apa tulundu, umwisika ya miti imioko, imyovu nga ni miti iyaanza imisambo, mumo muno icisao caiko icisuma. “Caleka ana inu anaci yakucita uzelele na yanyokovyala yakucita ulenzyo.

Ezaya 34:13

Umu masano monsi mulamelelwa imyunga, yalwenya na yankololwe. Mulasanguka icifulo cakwe yankusa, nu wikalo wakwe yasinsimwe.

2 Milandu 31:1

Lino vii vyonsi vyasila, aina Izlaeli yano yali kweneko yafuma nga yapita ku misumba yaku Yuda, yatamola incesi nu kuputola ivyaunkolanya vyakwe kaleza kanaci ka Asyela. Iyonona ni ncende zyakupepela penepo tuleza twao kumwi nu tuvuwa mu mpanga yonsi yakwe Yuda, na yakwe Benjamini, na Efulemu, na Manase. Pacisila ca konona vyonsi kwene, aina Izlaeli yaswilila ku misumba yao nu ku mpanga zyao.

2 Yamwene 23:15

Yosiya wononyile ni ncende ya kupepela mwenemo utuluwi, iyayelile mu musumba wa Betele, ino Yeloboamu umwana wakwe Nebati wakuuzile. Yeloboamu wiyo uwalenzile ukuti aina Izlaeli yonsi nayo yaifya. Yosiya atamola utuvuwa tonsi, kumwi namawe kwene yano yakuulile ayasyunola nu kuyasyunola. Nupya ayoca kumwi nu lucesi ulu cindame sana luno yaomvyanga apa kupepa Asyela.

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

1 Yamwene 13:34

Imicitile iyo iya kwifya vivyo iyalenzile nu kuti akazi kakwe yononeke, yaye aipe. Nupya iyalenzile kuti yaloviwe pyu panonsi.

1 Yamwene 13:2

Alino apundilila kavuwa pa kusema amazwi yakwe Yawe, ati, “We kavuwa we, we kavuwa we! Yawe wavwanga wati, ‘Umwana umonsi uwi zina lyakwe Yosiya alavyalwa ku amu mupanda wakwe Davidi. Ali wino alakoma pali wewe yasimapepo yano yaya mu ncende zino yakapepela mwenemo utuluwi, yao yonsi yano yakapeela impolelwa pali wewe. Aloca na mafupa ya antu pali wewe.’”

Malango 9:21

Natoozile ni cintu cicya iciipe, unkolanya wa mwana wa ng'ombe wino mwapanzile ni cela, nga imoca mu moto. Alino lyene imuvungola nu kumusyuta mpaka aya ulukungu nga nsumba lukungu lulo mu kaluzi akapongolokanga kwisika lya mwamba.

Utandiko 3:8

Manguzi uwanda kwene ulya umonsi nu muci yuvwa mutinti wakwe Yawe Leza ala akupita mu calo. Lyene yafisama mu miti kuti Leza atayalola.

Oseya 2:6

Caleka nemo ndasaka inzila yakwe ni myunga. Nupya ndamukuulilila icimpinda, kuti nupya atakapite umu nzila zyakwe kwene.

Oseya 10:9

Yawe akuti, “Aina Izlaeli yatali yate ukwifya kunondi, ukutandikila sile mu manda yano yifizye uku Gibeya. Ali cino inkondo ilayazana uku Gibeya kwene kuko.

Amosi 7:9

Incende zya kupepelamo zya amu mupanda wakwe Isaki zilononwa. Incende zyakupepelamo zya ina Izlaeli zilatamolwa. Nupya ndawisya ang'anda yakwe Yeloboamu umu ulwi.”

Naumi 3:11

Nawe kwene we Ninive ulaya kwati watukoleka, nu mutwe wako ulavulungana. Nawe kwene ulalondalonda ukwakuutukila nu kuzina.

Ezaya 2:21

Lino wemo we Yawe uliza uku kutensya insi, antu yene yalafisama muli yapolowe nu mu macele, umu myamba apa kuutuka sile ukali wako nu ucindami wako.

Oseya 8:5

Unkolanya wa mwana wa ng'ombe uno aina Samaliya yakapepa wanguvwisya uwinyi. Acino ukali wane wafulumila antu yayo. Uzye ukufika lilaci lino yalata ukukowela kuko?

Amosi 1:5

Indonona impongolo zya misumba yakucingilila umusumba waku Damasiko. Indononela calimwi umwene wensi akateeka uku Cifoloma caku Aveni. Na wensi akulemelela intuwa ya wene uku Beti Edeni. Antu aku Alamu yalasendwa umu uzya ku mpanga yaku Kili.”

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.