Oseya 10:5 - Amazwi Yakwe Leza 2013

⁵ Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 10:5 交叉參考

Oseya 9:11

Ucindami wa luko lwakwe Efulemu ulapita wa kupapuka kwa cunyi. Yene yatalakwata ana nupya. Aci yao yatalatala yaye pa ukulu, yatalasenda indilwa, awe.

Oseya 5:8

Lizini intandala mu Gibeya, lizini ipenga mu Lama! Sanzulini kupunda kwa ulwi mu Beti Aveni! Mwe aku Benjamini si tungululini!

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

2 Yamwene 23:5

Yosiya azinga pali usimapepo, yasimapepo yonsi yano yamwene aku Yuda yasonsile, yao aocelanga ubani pa tuvuwa umu ncende zyakupepela mwenemo utuluwi izyayelile mu misumba yaku Yuda kumwi ni zyali umu ncende izingulwike Yelusalemu. Fwandi tungati aya simapepo yonsi aocelanga Baali ubani, na yao kwene aocelanga ilanzi ubani, pamwi nu kocela mwezi, ni vintu vyuze ivya mulwelele, pamwi ni ntanda.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Milimo 19:27

Lyene kwati kuya uzanzo wakuti mulimo witu umasulwa. Cisi cico conga, lelo kuli nu uzanzo na uze wakuti ng'anda yakwe leza mwanaci Alitemi mukulu ilaya iyasilesile nu, ukulu wakwe ulasila, wino ali aka leza kakapepwa nu muntu wensi mu Asiya nga nu mu nsi yonsi.”

Zefaniya 1:4

“Ndakonzolola ikasa lyane kuti mvunuke antu amu Yuda na onsi aikala mu Yelusalemu. Ndonona vyasyala vyonsi vyakwe Baali apa ncende ii. Kusi nanti umwi wino aliusya yasimapepo yano yakamutumikila.

2 Milandu 11:15

Yeloboamu wene wasonsile yasimapepo yakwe akuti yapepa apa ncende zyakupepela penepo, apa myamba nu kutumikila tuleza tuluwi tuno walanga wamata, utukoline ni ng'ombe.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

2 Yamwene 10:29

Lelo Yeu atatelelile ukucita iviipe vino umwene Yeloboamu umwana wakwe Nebati wacitanga, vivyo vino walenzile kuti na ina Izlaeli yacita. Atatiile kupepa utwana twa ng'ombe twakwe zaabu ku Betele nu ku Dani.

Yakapingula 18:24

Nawe aasuka ati, “Mwatimunsendela tuleza twane tuno naipangila nemwisikulu nupya mwatimunsendela simapepo wane, imupita. Lyene nemo insile minwe. Uzye lyene munganguzya uli muti, ‘Uzye icani icakusakamika?’ ”

Yoswa 7:2

Yoswa apali pakutuma antu yamwi ukufuma ku Yeliko iyaya ku Ai, pipi nu ku Beti Aveni lwaku ufumondaka waku Betele, nga ayanena ati, “Pitangini mutumbele mukalengule impanga ilya.” Acino antu yalya iyapita iyaya yalengula umusumba wa Ai.

2 Milandu 13:8

“Acino fwandi mwemo mwemuno mukalonda ukulwisya uwene uno Yawe umwisikulu watupeela swe amu mupanda wakwe Davidi. Mwatimukwata ivita ivivule ni vyuma nyanya ivyapangwa na zaabu, vino Yeloboamu wapanga ivikoline na ana ya ng'ombe apakuti avino mwapepa.

Ezaya 46:2

Yapunda yatiyakontama nu kwinamila pansi, yatiyaposiwa ukupususya iviya. Yasuka yatusenda uku uzya.

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.