Oseya 10:4 - Amazwi Yakwe Leza 2013

⁴ Yamwene yayo yakalaya amaila aingi, nu kucita imilapo yaufi nu kupangana vipangano vyasilesile. Caleka ulungi wati usanguka ulufyengo lulo luno lukukula kwati ivikona iviipisye mu calo.

Oseya 10:4 交叉參考

Amosi 6:12

Uzye pa mawe imfwalasi zingasimulapo? Uzye pali yemba umwi angalimapo ni ng'ombe? Lelo mwemo mwasenula ulungami waya a sumu, nga ni vyaololoke vyonsi mwavicita ivyakutitikizya nu kuzunya antu.

Amosi 5:7

Kalanda kunomuli mwemuno mukanyonganika ulungami, mwemuno mukakonya vyaololoke.

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

2 Timoti 3:3

Yene yatalaya nu luse na mizu, yene yalaya akwakwa, alwete nupya akakate. Yalapata visuma.

Loma 1:31

imbulwa mano, yasifikilizya upangano, yasi na luse nanti a mizu ku antu yauze.

Milimo 8:23

Pano nalola vino uli nu uzuwa uwipe, nupya wewe muzya wa maifyo.”

Oseya 6:7

“Lelo antu yayo yavuna upangano wane ndi vino Adamu wacisile. Kuku kwene, yene yatali acumi kunondi.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Malango 29:18

Mwensi mwemuno muli pano ilelo musininkizye ukuti pataya umonsi, nanti umwanaci, nanti amu ng'anda imwi, nanti umutundu uwakufutatila Yawe Leza witu nu kupepa tuleza twa nko zizi zyuze. Cico cikoline wa musisi waulembe uno ungalemuka nu kukola antu ndi yaulya.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.