Oseya 10:2 - Amazwi Yakwe Leza 2013

² Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Oseya 10:2 交叉參考

Mika 5:13

Ndonona amaunkolanya inu yonsi kumwi ni vipilala vya mawe vino mukapepela penepo mu mpanga inu. Mutalatala mufukamile vintu vivyo nupya, vino mwapanzile na makasa inu.

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Luka 16:13

“Pasi muomvi angaombela aene yaili. Pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.”

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Oseya 7:8

Yawe akuti, “Aluko lwakwe Efulemu yakoline wakwe keke wino yatali yasenule, pamulandu wakuti yene yuminkana na antu amu mitundu yuze.

Yelemiya 43:13

Alatamola incesi zya ng'anda ipepo ino yakapepelamo ilanzi, iya ku Elyopolisi ku Eguputo. Aloca na mang'anda yauze akulu yakwe tuleza twaku Eguputo.’ ”

Ezaya 44:18

Ala yatamanya nu kutezya nanti kamwi. Yene yazyata yasilola akantu nanti kamwi foo. Imyenzo yao nayo isiiluka.

1 Samueli 5:4

Lelo katondo kauze akalondelela lino yakatuka, nupya kwene iyazana Dagoni watapona pansi inkolelo ya Mbokosi ya Upangano yakwe Yawe ale afupime! Umutwe wakwe Dagoni na makasa ala vyativitamoka, nupya ale vilambalile lwapa ciimbili nga ale kusile sile umwili.

1 Yoane 2:15

Mutatemwa insi nanti cintu cili consi icamu nsi. Umwi ndi watemwa insi, ale atatemwa Tata.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’