Oseya 10:1 - Amazwi Yakwe Leza 2013

¹ Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Oseya 10:1 交叉參考

Oseya 8:11

“Aluko lwakwe Efulemu yapanzile utuvuwa utwingi utwa mawila ya kwelela amaifyo. Lelo utuvuwa tuto yatusangula incende yakwifizya penepo.

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Filipi 2:21

Cila muntu akasakamala pa vintu vyakwe umwisikulu, kwaula kusakamala mulimo wakwe Yesu Klistu.

Yelemiya 2:28

Tuleza tuno wapanzile we mweneco tuli kwi? Leka tukatuke, tulole ndi cakuti tungakutuula umu nsita ya ntazi zyako, pano kwene tuleza twako, we Yuda, awe cumi twavulisya. Caya sile icili conga ni misumba yako pamwi nu tuvuwa twakwe Baali. Kwati sile imiseo yamu Yelusalemu.

Aina Levi 26:1

Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

1 Yamwene 14:23

Yene yaikuulile utuvuwa, ni vipilala vyamuzilo nga nu unkolanya wakwe Asyela pa ncende zyonsi zino yakapepela mwenemo nu mwisika ya visao vya miti.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Naumi 2:2

Yawe ali pipi nu kuwezezya ululumbi ku mpanga ya Izlaeli, wakwe lulu luno yakweti lino anisi yatali kuti yaizanze.

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Oseya 12:8

Aluko lwakwe Efulemu yakaitutumula yati, ‘Endi, sweswe yakama, twatitukwata icuma civule, kusi umwi wino angatupeela umulandu wakukwila icuma mu ucenjezi.’

Oseya 8:4

Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Oseya 2:8

Wene atamanyile ukuti anene nkamupeela ingano, waini umupya nga na mafuta. Wene atamanyile ukuti anene nkamupeela siluva na zaabu umuvule wakwe cimwi, vivyo vino antu yayo yakapangila amaunkolanya yakwe Baali.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 4:7

“Lino yasimapepo yavulilako, nu kwifya kwao kunondi ikuvulilako. Acino ndasangula ucindami wao kuti uye umuzewanya.

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Yelemiya 11:13

Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Oseya 2:10

Caleka ndakai namamusya tupu pa manso ya akambwe yakwe. Kusi umuntu nanti wenga alamufumya mu makasa yane.