Oseya 1:7 - Amazwi Yakwe Leza 2013

⁷ Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Oseya 1:7 交叉參考

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

2 Yamwene 19:35

Uwanda kwene uwo, umu nsita ya usiku, umungeli wakwe Yawe aya mu nsakwe zya ina Asilya, nga akoma ivita amazimbi umwanda onga na makumi cinani na yasano. Lino waca akatondo antu iyalola kuno ivyala vyati visankawala monsi monsi!

Oseya 11:12

Yawe akuti, “Aluko lwakwe Efulemu yanzinguluka nu ufi. Aina Izlaeli yakatumpoka wakwe cimwi. Aluko lwakwe Yuda nayo kwene yatiyamfutatila ne Leza, Wamuzilo wilya nupya uwacumi.”

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Masamu 33:16

Uwingi wa vita usipususya Umwene foo. Umucindami nawe, avivyo kwene, asiipususya uku maka yakwe foo.

1 Samueli 17:47

Nu muntu wensi pano alamanya ukuti Yawe asilonda amalupanga nanti amasumo pa kutuula antu yakwe. Wene akacimvya umu ulwi, nga alapeela mwensi kwene umu makasa itu.”

2 Yamwene 19:29

Alino kasema Ezaya anena umwene Hezekiya ati, “Cico ali cimanyililo ca vintu ivili nu kucitika. Umu mwaka ukwene nu mu mwaka ukwiza mumalyanga sile mambuka. Alino mu mwaka wakwe citatu, mulatovya imbezu zinu nu kusinza mukasinze. Mulalema imitingi nu kulyako amatingi.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Yelemiya 25:5

Yene yamunena apa kufutatila inzila zinu iziipe izya mikalile inu, na pa vicitwa vinu iviipe, apakuti mungatwalilila ukwikala mu mpanga ino Yawe wapile kuli mwemwe nu ku vikolwe vinu, kuti itwalilile kuya impanga inu amanda pe.

Yelemiya 25:6

Mwemo yamunena ukukana pepa tuluwi tuleza tuze nanti sile ukutuombela alino nu kukana katusizya Yawe icipyu, pamulandu ni vicitwa vinu, ali pakukana iletelela.

Yelemiya 33:26

ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Oseya 1:8

Pacisila lino Atatemwikwa walumuka, Gomeli akwata umwana namuze umonsi.

Kufuma 14:13

Mose aasuka ati, “Awe mutoopa! Posyini, mumalola vino Yawe amacita ilelo pakuti atutuule, mutalatala mulole aina Eguputo yaa nupya.

Kufuma 14:30

Pa wanda ulya Yawe atuula aina Izlaeli ku ina Eguputo. Aina Izlaeli yalola vyala vikwelela mu mbali yakwe yemba.

2 Yamwene 6:18

Lino aina Asilya yakatukila Elisya, Elisya nawe apepa kuli Yawe ati, “Si leka antu yaa yapafule.” Acino Yawe ayapafuzya. Alino Yawe nawe auvwa ipepo lyakwe, alenga nu kuti antu yayo yapafule.

2 Yamwene 19:34

Nene nkusunga nu kucingilila umusumba uno apakuti njilange ucindami wane, nu upangano uno napangine nu muomvi wane Davidi.”

Masamu 44:7

Awewe sile wenga mpo, ukatupususya uku anisi itu. Awewe sile wenga we muno ukacimvya yano yatupata.