Obadiya 1:8 - Amazwi Yakwe Leza 2013

⁸ “Mu wanda ulya indonona antu yamano yonsi aku Edomu, indayavulunganyizizya nu kucenjela kwao kwene, ukwa amu mupanda wakwe Esau.

Obadiya 1:8 交叉參考

Ezaya 29:14

Fwandi lyene nemo namayazungusyanga lino namatwalililanga ukuyapezya. Yano akulola ukuti yakwata amano yamasanguka iviwelewele vya antu. Nu ucenjezi wao utalayatumbwila nanti cimwi.”

Masamu 33:10

Yawe akaonona nu kuvulunganya amapange ya ikala nsi. Akavulunganya nu kupasola amapange ya mitundu.

Ezaya 19:3

Nemo namaya ku kuvulunganya aina Eguputo, nu kuyatovola. Lyene yamauzyanga utuluwi twao pakuti tuyazwilizye. Yamauzyanga yakasapoola, nu kwezya ukupandwa amano uku mipasi ya afwe.

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Ezaya 19:12

Ale lelo we Falao, uzye yampandamano yako yali kwi? Limwi yangakunena vino Yawe Umwene Wamaka yonsi wapanga ukucitila aina Eguputo!