Obadiya 1:1 - Amazwi Yakwe Leza 2013

¹ Uu, uli usemo wakwe Obadiya wa pali vino Yawe Simwandalali walanda pa kuvunukwa kwa luko lwakwe Edomu. Yawe watatuma inkombe zyakwe ku antu amu nko zyonsi, nga naswe twatituvwa amazwi yakwe akuti, “Iteyanyini! Tuyini tukalwisye aina Edomu!”

Obadiya 1:1 交叉參考

Yowelo 3:19

“Lelo Eguputo alasyala wa citotela. Edomu nawe alasyala wa lwanga, pamulandu wa nkondo ino yaponyizye apa antu aku Yuda nga na pamulandu wa kuzwisya uwazi uwakaele umu mpanga yao.

Ezaya 30:4

Nanti angala inkombe zyao zyatizifika mpiti umu musumba wa Zoani na Hanesi mu mpanga ya Eguputo,

Ezaya 21:11

Amazwi asowilwe pamulandu na Edomu. Umuntu umwi uwamu Edomu walaizye kunoli ati, “We kalinda we! Uzye usiku umaca lilaci? Unene pano usiku umasilila.”

Masamu 137:7

We Yawe, iusya vino aina Edomu yacisile uwanda uno Yelusalemu wazanzilwe. Iusya vino yakomilepo ukulanda ala yakuti, “Wongololini, muongolole suka na pansi.”

Mako 13:7

Lino muluvwa nkondo nga ni mpupilizi zya nkondo kutali, mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Mateo 24:6

Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Mika 2:13

“Leza alacingula inzila nu kuyatungulula ukufuma mu uzya. Yene yalapangula impongolo zya musumba nga yafume antungwa. Umwene wao aliwe alayatungulula pa kufuma, Yawe aliwe alayakolelela.”

Yelemiya 51:46

Mutaleka imyenzo inu itovoke ku vyakuvwauvwa. Cila mwaka impwelo ipusanepusane ikusalanganyiziwa. Ukukakata kulateeka impanga. Kateeka wenga alalwisya kateeka muze.

Yelemiya 25:21

Nupya aina Edomu, Moabu nga na ana yakwe Amoni.

Yelemiya 25:17

Fwandi nani ali pakutoola ulwako ku minwe yakwe Yawe nu kumwesya imitundu yonsi ino Yawe wantumile kweneko.

Ezaya 21:12

Alino nani namwaswike inti, “Kwene wasya uce, nga lelo nupya kwene wasya wize wiile. Ndu kasi, ungiza uuzye nupya.”

Utandiko 25:30

nga anena Yakobo ati, “Namawa ulwezwe, mpeko musunyi uyenzu.” (Acino yamutemile yati, Edomu).

Utandiko 36:8

Acino lyene Esau (kuli kuti Edomu) aya aikala mu Seili impanga ya myamba.

Utandiko 36:9

Yaa ali amu mupanda wakwe Esau, cikolwe ca ina Edomu mu mpanga ya myamba ya Seili.

Ezekelo 35:1

Yawe avwanga kunondi ati,