Neemiya 9:6 - Amazwi Yakwe Leza 2013

⁶ Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Neemiya 9:6 交叉參考

Ezaya 37:16

“We Yawe Wamaka yonsi, we Leza wakwe Izlaeli, wemuno wikala pali yakelubi, awewe sile wenga mpo wewe wateeka uwene wa pano nsi. Awewe waumvile iyulu ni nsi.

Utandiko 1:1

Pa kutandika Leza waumvile iyulu ni nsi.

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Malango 10:14

“Silola, Yawe ali mweneco wi yulu, kumwi ni lya papelapela kwene ni vyaya mwenemo, nga ni nsi kumwi na vyonsi kwene ivyaya mwenemo.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

Ezaya 44:8

Mutazakaza, mutuvwa intete. Uzye ntamunenyile cico nu kumusokolwela ukufuma uku mpiti? Mwemwe muli yakambone yane. Uzye kwaya Leza namuze? Kutaya Ciliwe nacuze, nemo ntacimanya.”

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

2 Yamwene 19:15

Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.

Utandiko 2:1

Avino insi ni yulu na vyonsi vyasililikile ukuumbwa.

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.

Umbwilo 14:7

Alino avwanga ni zwi likulu ati, “Oopini Leza nu kulumbanya ukulu wakwe! Pano insita yatifika yakuti wene apingule antu! Pepini wino uwaumvile iyulu ni nsi, yemba nu tufukoka twa manzi.”

Masamu 36:6

Ulungami wako waya uzyantile wa myamba itali yakwe Leza. Imipingwile yako, nayo yaya wa kuzika kwakwe yemba. We Yawe, awewe ukawaka antu ni nyama kwene.

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 1:6

Lelo lino Leza wali pipi nu kutuma Mwana nupya iyeli lyakwe mu nsi, wene wavwanzile ati, “Angeli yakwe Leza yonsi yalinzile kumupepa.”

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Masamu 86:10

Pano wemo wewe wamaka, nupya ukacita ni vyakuzunguka. Wemo wenga mpo, wewe uli Leza.

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.

Masamu 146:6

wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.

Masamu 103:21

Lumbanyini Yawe, mwe vita vyakwe vyonsi vya mwiyulu, mwe aomvi yakwe akacita vino wene akalonda.

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Yoane 10:30

Nemo na Tata twaya wenga.”

Utandiko 32:2

Lino Yakobo walola angeli apunda ati, “Pa, apa kamba ka vita vyakwe Leza.” Caleka atemela cifulo cici izina ati Maanaimu.

Milimo 4:24

Lino alondezi yacuvwa, yonsi yasanzika izwi, yapepa kuli Leza yati, “Mwene we muno waumvile iyulu, insi, na yemba na vyonsi ivyayamo,

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Masamu 24:10

Uzye fwandi Umwene walulumbi kwene wiyo aweni? Yawe Wamaka yonsi, ali Mwene wa lulumbi.

Masamu 102:25

Awewe waumvile insi apa katalili, na makasa yako alio yapanga iyulu.

Masamu 115:15

Yawe sangala amupolelele, wiyo uwaumvile iyulu ni nsi!

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Yona 1:9

Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”

Utandiko 1:9

Nupya Leza avwanga ati, “Amanzi ali pisika ya lwelele yakolongane pa cifulo conga kuti kuye musili,” nga cicitika vivyo kwene.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Masamu 124:8

Uwazwilizyo witu waya ukwi zina lyakwe Yawe, wiyo uwacisile iyulu ni nsi.

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.