Neemiya 9:29 - Amazwi Yakwe Leza 2013

²⁹ Wemo uyasoka kuti nupya yatandike ukusunga masunde yako. Lelo yene yacita icilumba, yakana kuyela amasunde yako. Nanti angala kulondela amasunde ili nzila yakupeelelwamo umutende. Antu yaya yatalama, nupya yakana ukuyela.

Neemiya 9:29 交叉參考

Neemiya 9:16

Nga lelo ivikolwe vitu vyacisile icilumba, vyumalala imyenzo nu kusuula amasunde yako.

Aina Levi 18:5

Mwalondela micitile na masunde yano napeela kunomuli, pano mulapususya umi winu ndi mwacita vivyo. Nene indi Yawe.’”

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Yelemiya 43:2

Azaliya umwana umonsi wakwe Hosyasya na Yoanani umwana umonsi wakwe Kaleya, na antu yonsi aminteleu nu utalami, yanena Yelemiya yati, “Ukusomba sile ufi Yawe atakutumile ukuti tutaya ku Eguputo ku kwikala.

Galatiya 3:12

Lelo Masunde yatemelela ku utailo. Ndi vino calembwa mu malembelo cati, “Wino wensi akayela vyonsi ivyalembwa mu Masunde wene alaya nu umi.”

Loma 10:5

Pamulandu wakuya aololoke pa manso yakwe Leza, Mose walemvile ati, “Muntu akayela Masunde wene alaya nu umi mu kuyela Masunde.”

Luka 10:28

Lyene Yesu ati, “Waasuka ningo. Avino wacita nga ulaya nu umi.”

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.

Yelemiya 44:10

Alino lyene ukufika na pilelo mwemo mutazenzuka foo. Mutankwatila icoopo, nupya musilondela amasunde yane yano napiile kuli mwemwe nu ku vikolwe vinu.

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 17:23

Ivikolwe vyao vituvwile vino nemo navinenyile, vitasumvileko amano awe. Lelo vyatalime vyakanyile ukunguvwa nu kutontela amasunde yane.”

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

2 Milandu 24:19

Nanti cali vii, lelo Yawe atuma yakasema pakasi kao kuti yawezezye antu kunoli. Yakasema yaya lino yatandike ukusoka antu yalya, yene yakanyile ukuvwa.

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

Malango 31:21

Alino lyene amazanzo avule aipisye pamwi na macuzi vilayaponela. Lelo ulwimbo luu luliimbwa nu kuya umboni uwakuyasinila, pamulandu wakuti amu mupanda wao yatalalwilila. Ali vino navikwene natimanya vino yakwelenganya nanti ntacili njingizye mu mpanga ino nalavile nu mulapo ukuyapeela.”

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Mateo 19:17

“Yesu nawe amwaasuka ati, ‘Uzye pacani wanguzya pamulandu ni cisuma? Leza, wenga sile aliwe umusuma. Lelo ndu kasi kuti Leza akupeele umi wape, wayela masunde yakwe.’

2 Milandu 33:10

Yawe wacelwile Manase na antu yakwe, lelo yene yatuvwile.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Neemiya 13:15

Pa nsita kwene ilya nga ndola antu mu mpanga yakwe Yuda yakuponda nu kufena amatingi pa Sabata. Nga na yamwi ala yakukolonganika nu kutulika ingano mu mitumba ala yakuomvya yapunda. Yamwi nayo ala yakusenda waini, matingi, misamvu, alino ni viya vya misango misango, ala yakuleta ku Yelusalemu pa wanda wi Sabata kwene. Alino njakalipila kuti yataezya kukazya vyakulya pa Sabata.

Yelemiya 42:19

Yelemiya nawe ali pakwasuka ati, “Mwe! Mwemuno mwasyalako mu ina Yuda Yawe wamunena wati, ‘Mutezya muyeko ku Eguputo! Mucimanye ukuti ni musoka mu wanda wilelo.

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Yakapingula 6:10

Namunenyile inti, ‘Nene indi Yawe Leza winu, nu kuti mutalinzile kupepa tuleza twa ina Amoli, yano ndakai mukwikala mu mpanga yao. Lelo mwemo mwakanyile ukuvwa amazwi yane.’ ”

2 Yamwene 17:14

Nga lelo yatali akuti yuvwe, yali sile wa vikolwe vyao uku utalami, yao atataile muli Yawe Leza wao.