Neemiya 9:14 - Amazwi Yakwe Leza 2013

¹⁴ Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Neemiya 9:14 交叉參考

Ezekelo 20:12

Nayapile na Masabata yane kukuya icimanyililo pakasi kao nani, cakuyamanyisya ukuti akayazifya anene ne Yawe.

Utandiko 2:3

Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

Ezekelo 20:20

Mwacindika uwanda ukankala wi Sabata nu kuucita wamuzilo, ali pakuti wene waya cili cimanyililo ca cuvwano cinu nupya mwaiusya ukuti nene indi Yawe Leza winu.

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Kufuma 16:23

Alino Mose azinena ati, “Yawe watapeela ilamulo ukuti mutondo uwanda wa kupuza, uwanda wi Sabata uwapaatulwa kuli Yawe. Mupange umukate onsi uno mukulonda, nupya mweleke consi cino mukulonda kweleka. Ivyasyala muvisunge pa mbali mpaka mutondo.”

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Neemiya 1:8

Nga lelo, ungala uwiusye amazwi yano wanenyile umuomvi wako Mose uti, ‘Ndi mwe ina Izlaeli mwaca mwamfutatila, ale lyene ndamusalanganyizizya umu antu ya mitundu yuze.

Malango 5:31

Lelo wemo, Mose, wize usyale nani pakuti nkupeele amalamulo, ni vyeo nga na masunde yonsi yano ulinzile kusambilizya antu, pakuti yace yayayela mu mpanga ino nkuyapeela kuti iye iyakwao.’

Malango 4:45

Yakwene ali malamulo, ni vyeo nga na masunde yano Mose wapeezile aina Izlaeli lino yafumile mu mpanga ya Eguputo,

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

Aina Levi 27:34

Yaa, ali malamulo yano Yawe wapeezile Mose pa Mwamba wa Sinai kuti anene aina Izlaeli.

Kufuma 24:12

Yawe anena Mose ati, “Iza kwela mwamba kunondi, lyene wize walolela kuno kwene. Ndakupeela vipampa vya mawe yaili pano pali amasunde akusambilizya antu.”

Aina Levi 19:3

Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

Neemiya 10:32

Twalaya ukuti cila mwaka tukaapeela magalamu yani yakwe siluva, kuti twazwilizye pa milimo yaku Ng'anda ikulu yakwe Yawe witu.

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.