Neemiya 8:17 - Amazwi Yakwe Leza 2013

¹⁷ Antu yonsi pyu pali yao awelulwike ukufuma ku Babiloni ku uzya, yakuula insakwe amuno yikala. Icintu cii cili cino aina Izlaeli yatatazile yaciombe ukutandikila sile pali Yoswa umwana umonsi wakwe Nuni ukufika na pa wanda uwa kwene. Fwandi yali nu luzango wakwe cimwi.

Neemiya 8:17 交叉參考

2 Milandu 8:13

ndi vino yalondekwanga cila wanda. Wene wapeelanga impolelwa apakulondela amalamulo ndi muno calembelwa umu masunde yakwe Mose ukulingana na manda yi Sabata, na pa ndoleko ya mwezi, nga na pa vimulo vitatu vya cila mwaka, kuli kuti Cimulo ca Mukate usi na Citutumusi, Cimulo ca Uzombozi ni Cimulo ca Nsakwe.

Ezila 3:4

Nu kuwaka yawakanga sana amanda ya uzevyo ndi vino uwanda wakuzevya Cimulo ca Nsakwe, nu kupeela impendwa ya mpolelwa zyakoca ndi vino calemvilwe ukupeela cila wanda.

Ayebulai 11:13

Mu utailo amuno yaa yonsi yafwilile. Yene yatapokelile vintu vino Leza wayalavile. Lelo yavilolile kutali nu kuvizengela. Nupya yazumile paswe vino yali wa enyi nupya ainamasi muno nsi.

Ayebulai 11:9

Mu utailo wene wikalanga wa mwinamasi mu mpanga ino Leza wamulavile. Wene wikalanga mu mataalu ndi vino Isaki na Yakobo ikalanga, yao apokelile ulayo uli onga kufuma kuli Leza.

Ayebulai 4:8

Ndi cakuti Yoswa wapile antu kupuza kuno Leza walavile, Leza atange alande pamulandu wa wanda nauze.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

2 Milandu 35:18

Nupya yatatazile iyazevya Cimulo ca Ucilo wakwe cico umu Izlaeli ukutandikila sile umu nsita yakwe kasema Samueli. Kutatazile ikuya umwene nanti wenga uwazevizye Cimulo ca Ucilo wakwe lilyo lino Yosiya na yasimapepo, ukwikapo na ina Levi na Ayuda na ina Izlaeli yonsi azanyilwe kweneko pamwi na ikazi amu Yelusalemu yazevizye.

2 Milandu 30:26

Mu musumba wa Yelusalemu mwali uluzango wakwe cimwi, pasi pano ukufuma mu manda yakwe Solomoni umwana umonsi wakwe Davidi umwene waku Izlaeli kutatazile kucitike icintu nanti cimwi wakwe cii umu Yelusalemu.

1 Milandu 29:22

Lyene apa wanda kwene ulya, iyalya nu kumwa nu luzango ulukulu apa manso yakwe Yawe. Alino lyene iila lyakwe ciili yalasika Solomoni umwana umonsi wakwe Davidi apa cilimba ca wene, nga apa manso yakwe Yawe iyamupaka amafuta akumusolola ukuya intunguluzi na Zadoki nawe aya simapepo.

Yoswa 1:1

Pacisila ca mfwa yakwe Mose umuomvi wakwe Yawe, Yawe alanda na Yoswa umwana umonsi wakwe Nuni, wiyo uwali kazwa wakwe Mose, ati,

Malango 16:15

Muce mwacindika Yawe Leza winu pa kuzevya icimulo cii pa manda cinimbali pa ncende yonga ino Yawe alasolola. Mulinzile mwaya ansansa pano Yawe watamupolelela ni vyauzombozi alino ni milimo inu.