Neemiya 8:13 - Amazwi Yakwe Leza 2013

¹³ Apa wanda wakwe ciili uwa mwezi ulya, aikolo amu nko zyao zyonsi, kumwi na yasimapepo na ina Levi, ali pakukongana kuli kalemba Ezila uku kuya sundwa amazwi amu Mpapulo zyakwe Mose.

Neemiya 8:13 交叉參考

Mapinda 12:1

Umuntu uwatemwa malango wene akalondesya ukumanya ivintu vya mano, lelo uwapata ukusundwa wene watumpa

Milimo 13:42

Lino Paulo na Banaba yacili fuma mu ng'anda yamapepo, antu yayapapata kuti yace yakakosole nupya pi Sabata ililalondelela.

Milimo 4:1

Walanga Petulo na Yoane yacili vwanga ku antu yaa, yasimapepo, musika wakwe yakalinda ya Ng'anda ikulu yakwe Leza, nga na Asaduki iiza kunoyali.

Luka 24:32

Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

2 Milandu 30:23

aina Izlaeli yonsi yazumilizyanyizye ukuti cazipa kuti nupya kwene yazevye icintu cico apa manda cinimbali. Fwandi kwali ukuzevya ni nsansa wakwe cimwi.

Neemiya 8:12

Caleka antu yonsi iyapita kumwao ku kulya nu kumwa. Iyatumila nauze tumwi tumwi nu kusansamuka wakwe cimwi, apamulandu wakuti yuvwikisye muno ivintu vino vyawelenzilwe vyalola.

Neemiya 8:14

Umu vyalembwa umu Mpapulo zyakwe Mose vino umwene Leza wavwanzile ukupitila muli Mose, ali muno yazana ndi vino aina Izlaeli yali nu kwikala umu nsakwe apa manda ya kwiusya Cimulo ca Nsakwe.