Neemiya 7:4 - Amazwi Yakwe Leza 2013

⁴ Yelusalemu wali umusumba ukalamba. Lelo antu anono sile yikalanga mwenemo, nga na mang'anda avule walanga yatacili yakuulululwe.

Neemiya 7:4 交叉參考

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Ezaya 58:12

Mulatutulula amatongwa yampiti, nu kukuula mu mifula yampiti. Yalaamwama ukuti mwemwe yakalungisya ya viumba ivyononeke, yakakuululula ya vitotela.”

Neemiya 7:3

Nayapile ni lamulo inti, “Mwayula sile impongolo zya musumba wa Yelusalemu lino kwakaya, nupya mwayala nu kupikilizya ningo lino yakalinda yacilipo lino ilanzi litali liwe. Nupya mwatola yakalinda ukufuma sile umu ikazi amu Yelusalemu. Yamwi yali nu kulalinda pano yayasontelela ukuya umu kulinda, alino yamwi apipi na mang'anda yao.”

Neemiya 7:5

Alino Leza alanda nani apakuti nkonganike asambazi, ni ntunguluzi pamwi na antu yonsi apakuti yangapituluka umu mazina yao. Ali vino natantike amazina yakwe yao atandikile ukuwela ukufuma uku uuzya. Vivyo ali vino nazanyile ivyalemvilwe mwenemo:

Neemiya 11:1

Pa nsita kwene iyo intunguluzi zya antu alanga ziikala mu Yelusalemu, nga na antu asyala yapendola kuti yasolole wenga mu antu ikumi pali cila kupenda, kuti aize aikala mu Yelusalemu, musumba wamuzilo. Lelo antu fundimbali asyala yene yaikala mu misumba yao.

Neemiya 11:2

Alino antu yataizye antu auze yonsi aipeelisye ukuti yane yakaikala mu Yelusalemu.