Neemiya 6:9 - Amazwi Yakwe Leza 2013

⁹ Yene yezyanga ukutoofya, yelenganya yati, “Amakasa yao yalatonta sile, yatalatala yamale uku kuula.” Lelo nemo impepa inti, “We Leza, ule unkomye.”

Neemiya 6:9 交叉參考

Masamu 138:3

Uwanda uno nalaizye wanguvwile, wandundile na maka.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Ayebulai 12:12

Acino mukomye makasa inu atonte nupya mutaleka makokola inu yazakaza!

Filipi 4:13

Klistu wampeela maka akulungatana ni miyele ili yonsi.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

2 Kolinto 12:9

Lelo wene waswike ati, “Cikuku cane sile icikulondekwa kunuli. Pano maka yane yakaombesya lilyo lino watonta.” Acino Klistu ndi watwalilila kumpela maka yakwe, lyene nakulaitumika pa utonte wane.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.

Efeso 6:10

Mukusyalikizya, lekini maka yakwe Leza yamukomelezya.

Yelemiya 38:4

Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”

2 Milandu 15:7

Ali cino fwandi mwemo komini sile, mutatovoka foo. Pasi pano apa milimo ino mukaomba, apano mulapokela icilambu.”

Masamu 71:1

Leza we, akuli wewe akuno nemo nkazina, utaca ukatale ukaleke nuvwe insonyi.

Masamu 56:3

Lino intete zyandema, awewe sile wenga we muno nkataila, Leza mukulu.

Neemiya 6:14

Nga nemo pali pakupepa inti, “We Leza wane, iusya Tobiya na Sanibalati apa vintu vino yacisile, alino na kasema umwanaci Noadiya pamwi na yakasema yauze yano yezizye ukungofya.”

Masamu 68:35

Iye mwe! Icumi we Leza walinga ukukukwatila icoopo umwi sano lyako ilyamuzilo. Icacumi Leza wa ina Izlaeli, akapeela amaka nu kukomya antu yakwe! Endita! Kulumbwe we Leza!

2 Milandu 32:18

Lyene ivita vyakwe Senakelibu ali pakupunda umu lulimi lwa Ciyebulai uku antu amu Yelusalemu yano yali api linga papela, apakuti yayoofye nu kuyatovola nu kuti ciyangupalile uku zanza umusumba ulya.

Zakaliya 10:12

Nene ne Yawe ndakomya antu yane, nayo yalampepa nu kunjela.” Avino Yawe wavwanga.

Ezila 1:6

Na inipamba yao nayo iyayazwilizya ukuyapeela ivintu vyalondekwanga ivili wakwe siluva na zaabu, ni viteekwa pamwi ni vyuma vyuze vya mucinzi vino yangapeela nu mwenzo wao onsi.

Ezekelo 30:24

Ndakomya amakasa ya mwene waku Babiloni, nu kumufumbatika ulupanga lwane. Lelo ndakontola amakasa yakwe Falao, nga nawe alanyunguluka pa manso ya mwanisi wakwe wa muntu uwataciswa.

Ezaya 40:29

Leza wene aliwe akakomelezya yano yacepelwa amaka, na yano yatonta kwene.