7 Nga nelenganya ukucitapo cimwi, inkalipila asambazi yaya ni ntunguluzi inti, “Mwe! Uzye icisendo ca mwata ci cino mukutwika auzo?” Ali vino naamile nu ukongano ukalamba kuti njapele umulandu.
Utalipilisya mwina Izlaeli muzo pa mpiya zino wamukongwesizye. Lelo waoopa Leza wako nu kuleka aina Izlaeli yauzo yaikala nawe.
“Umwi ndi wakongwesya impiya ku muntu ali wensi uwamu antu yane mupina, atacita wakwe kakongwisya wa mpiya, alonda kuti yamulipe kalowa.
Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.
Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.
Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.
Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.
Wakalipila apaswe yao yonsi akaifya, pakuti asyala yuvwe intete.
Lelo lino Petulo wizile ku Antioki, nemo namukalipile pa manso ukuti wene waluvyanya.
Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.
Ndi wakana kuvwa kunoyali, kanene iuvi. Ndi wakana kuvwa nu kwi uvi kwene, mumucite wa muntu atataila Leza nanti wakwe kasonkisya.
Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.
Cazipa yakusinkola apaswe, ukuluta ulukundo lwamu umfisolo.
Watulaizya kunondi uti, “Ndanga kunondi.” Ee we Yawe, fwandi ali cino niza.
We Yawe, uzye aweni alingila umwi taalu lyako? Uzye aweni alikala apa mwamba wako uwamuzilo?
Oopini Leza nga mute ukwifya. Mwaelenganya wakwe cimwi pali cii, lino muizi cele pa misanzi inu.
Wensi uwamukongwisye impiya kamupokolole ivyuma vyakwe vyonsi. Umwenyi kamupokolole vino walonsile nu kuviculila.
Nupya ndasoka nu kulenga kuti anisi inu yamukome mu nkondo. Aci inu yalaya yamukamfwilwa, na ana inu yalaya ana asyale.
Aweni angimilila nu kumvwangila uku aipe?
Wiyo akatazyela amasunde waya uku lusansa lwa antu aipe. Lelo wiyo akalondela amasunde akayakanya.
