Neemiya 5:15 - Amazwi Yakwe Leza 2013

¹⁵ Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Neemiya 5:15 交叉參考

Neemiya 5:9

Ali cino nani nkumunena inti, “Cino mukucita citazifile foo. Uzye musikulonda mwapita na antu akwatila Mwene Leza witu coopo apakuti mutaleka intusi zyafuma pakasi ka anisi itu atupata?

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

2 Kolinto 11:9

Pa nsita ino nali pamwi namwe nemo ntamuletile masakamiko akungazwa lino nalondanga mpiya. Aina itu yano afumile ku Makedoniya yaletanga vyonsi vino nulilwanga. Ndi vino cali mpiti nga nu mu manda akwiza, nemo ntalatala nje wa cisendo kuno muli!

Mateo 5:47

Ndi mwalamuka aina inu sile, ale pasi cimwi cino mukucita kuluta pali cino yauze yakacita. Uzye Akulukuwa yasyacita cili conga kwene?

Yobo 31:23

Ukali wakwe Leza unjizile. Alino nu kuya kwene nemo, intange intale ncicite, apamulandu wakuti Leza wacindama.

2 Kolinto 12:13

Uzye cani cino nacitile mauvi yauze cino ntacitile mwemwe. Cii, cikusenula vino nemo ntali wa cisendo kuno muli. Acino nkumupapata munjelele pa kuluvyanya kuno muli.

Mapinda 29:12

Ndi cakuti kateeka wakutika uku mazwi ya ntumpu, ala na aomvi yakwe yonsi nayo kwene yakasanguka yaya aipe.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 112:1

Lumbanyini Yawe! Wasyuka wiyo akacindika Yawe, wiyo uwatemwisya amasunde yakwe.

1 Samueli 8:15

Alatola icikumi pali cila vilyo vinu nu kuvipeela kuli yamusika yakwe nu ku yaomvi yakwe amwi sano.

Utandiko 20:11

Abulaamu aasuka ati, “Mu mano yane natiile kuno kutangaya umuntu akaopa Leza, nga nu kuti yangankoma yatole nu muci wane.

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

Neemiya 5:16

Alino naipelisye ku mulimo wakukuula ilinga lii nga ntalonsile impanga nanti imwi. Antu yonsi yano nali nayo yakomelike uku mulimo kwene uu.

Yelemiya 32:9

Fwandi avino nakazile icalo caku Anatoti ku mwinane Hanameli. Namulipila ni mpiya zyakwe siluva ikumi na cinimbali.

Nyimbo zya ndosya 5:8

Azya ayano yakututeeka, nga kusi nanti umwi uwa kututuula kunoyali.